ەلوردا پوليتسەيلەرى اۋرۋحانادا ۇرلىق جاساعان ەر ادامدى ۇستادى
كۇندىزگى ۋاقىتتا مەملەكەتتىك ەمحانادا جۇرگەن جىگىتتىڭ گاردەروبشىنىڭ جوق ەكەنىن پايدالانىپ، باعاسى جارتى ميلليون تەڭگەنى قۇرايتىن توندى ۇرلاپ كەتكەنى انىقتالدى. ودان كەيىن ۇرلاعان توندى ساۋدا ءۇيىنىڭ دۇڭگىرشىنە ساتىپ جىبەرگەن.
اتالعان قىلمىستىق ءىس بويىنشا «ۇرلىق» بابىمەن سوت الدىنداعى تەرگەۋ امالدارى جۇرگىزىلۋدە. كۇدىكتى ازامات ءوز كىناسىن مويىندادى، ونىڭ ەلوردا اۋماعىندا جاسالعان وسىعان ۇقساس باسقا قىلمىستارعا قاتىسى تەكسەرىلۋ ۇستىندە.
ۇرلانعان تون دۇڭگىرشەكتەن الىنىپ، يەسىنە قايتارىلدى. نۇر-سۇلتان قالاسىنىڭ پوليتسيا دەپارتامەنتى ازاماتتارعا قىراعى بولۋدى كەڭەس ەتەدى.
اۆتور: زارينا تۋعانبايەۆا
