ورتتەن بەس بالاسىنان ايىرىلعان ەلوردالىق وتباسى ۇلدى بولدى

بۇل تۋرالى قازاقپارات تاڭىربەرگەن بەردوڭعاروۆتىڭ Facebook پاراقشاسىنا سىلتەمە جاساي وتىرىپ حابارلايدى.

«ءورت سالدارىنان بالالارىنان ايىرىلىپ، قايعىعا باتقان سيتەر وتباسىن ءسابيلى بولۋلارىمەن قۇتتىقتايمىن!. جانىمگۇل اياعى اۋىر بولعان كەزدە كوز تيمەۋى ءۇشىن بۇل تۋرالى ەشكىمگە ايتپاۋىمدى وتىنگەن ەدى. بۇگىن ولاردىڭ شاڭىراعىندا قۋانىشتى جاڭالىق! ومىرگە ۇل كەلدى!»، - دەپ جازدى تاڭىربەرگەن بەردوڭعاروۆ.

ول ەرلى-زايىپتىلاردى ۇلدى بولۋلارىمەن قۇتتىقتادى.

«سىزدەردى حالىق اتىنان قۇتتىقتايمىن جانە ۇلدارىڭىزدىڭ نەسىبەسى ارتا بەرسىن دەپ تىلەيمىز! سىزدەردىڭ قىزدارىڭىزعا دەگەن ۇلكەن ماحابباتتارىڭىزدىڭ، قارىنداستارىنىڭ قۇرمەتىنە وراي لايىقتى مۇراگەر بولسىن! بۇل ماحاببات ونى بارلىق جاماندىق اتاۋلىدان ساقتاسىن. باۋى بەرىك بولسىن!»، - دەپ جازدى ول.

ەسكە سالا كەتسەك، 2019 -جىلى 4-اقپاندا سيتەر وتباسىندا بۇكىل ەلدى دۇرلىكتىرگەن قايعىلى وقيعا بولدى. جەر ۇيدەن شىققان ءورت سالدارىنان ولار بەس قىزىنان ايىرىلدى.

فوتو: facebook.com/berdongar

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى