قازاقستاندا جاڭا كولىك مىنەتىندەر سانى ارتتى

قازاقپارات بۇل تۋرالى ق ر ستراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسىنا سىلتەمە جاساپ حابارلايدى.

ستاتيستيكالىق مالىمەتكە سايكەس، بيىلعى قاڭتار- قازاندا ەلىمىزدە 650298 جەڭىل اۆتوموبيل تىركەلگەن. بۇل، وتكەن جىلعى ءتيىستى كەزەڭمەن سالىستىرعاندا %12,8 كەم. 2020 -جىلعى 1 -قاراشاداعى جاعداي بويىنشا، قازاقستان رەسپۋبليكاسىندا تىركەلگەن جەڭىل اۆتوموبيلدەردىڭ جالپى سانى 3895,8 مىڭ بىرلىكتى قۇرايدى.

2019 -جىلدىڭ قاڭتار- قازانىندا زاۋىتتان شىققانىنا 3 جىلدان اسپاعان 73371 كولىك تىركەلگەن بولسا، بيىل 98104 تى قۇراعان. سونداي-اق بيىل قۇراستىرىلعانىنا 3-7 جىل بولعان 99702 ماشينا تىركەلگەن. بىلتىرعى كورسەتكىش - 143895.

2020 -جىلدىڭ قاڭتار- قازانىندا 7-10 جىل ارالىعىنداعى 58961 اۆتوموبيل تىركەلگەن، 2019 -جىلى - 40156. بيىل قۇراستىرىلعانىنا 10 جىلدان اسقان 393518 كولىك تىركەۋگە الىنعان، وتكەن جىلى - 479673.

سونىمەن قاتار ۇلتتىق ستاتيستيكا بيۋروسىنىڭ اقپاراتىنا سۇيەنسەك، بيىلعى قاڭتار- قازاندا ەل اۋماعىندا 10 408 جول- كولىك وقيعاسى تىركەلگەن. سالدارىنان 15123 ادام زارداپ شەكتى. وتكەن جىلمەن سالىستىرعاندا اپاتتىلىق %22,3 ازايعان.

«بۇدان بولەك، 2020 -جىلعى 1-قاراشاداعى جاعداي بويىنشا كولىك قۇرالدارى يەلەرىنىڭ ازاماتتىق- قۇقىقتىق جاۋاپكەرشىلىگىن مىندەتتى ساقتاندىرۋ بويىنشا ساقتاندىرۋ ۇيىمدارى 23,4 ميلليارد تەڭگە سوماسىندا 55994 ساقتاندىرۋ تولەمىن جۇزەگە اسىردى»، - دەلىنگەن ۆەدومستۆو اقپاراتىندا.

اۆتور: ميرا تولەندى قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى