قازاقستاندا الەۋمەتتىك قىزمەتكەرلەردىڭ جالاقىسى كوتەرىلەدى

بۇل ماقساتقا رەسپۋبليكالىق بيۋدجەتتەن الداعى ءۇش جىلعا شامامەن 95 ميلليارد تەڭگە بولىنەدى، دەپ حابارلايدى ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتى. جالاقىنى كوتەرۋ ءوز قىزمەتىن ستاتسيونارلىق (قارتتار مەن مۇگەدەكتەرگە ارنالعان ۇيلەر) جانە جارتىلاي ستاتسيونارلىق ۇلگىدەگى مەديتسينالىق- الەۋمەتتىك مەكەمەلەردە (بۇدان ءارى – م ءا م) (كۇندىز بولۋ بولىمشەلەرى، وڭالتۋ ورتالىقتارى)، ۋاقىتشا بولۋ مەكەمەلەرىندە (بەلگىلى ءبىر تۇرعىلىقتى جەرى جوق ادامدارعا، تۇرمىستىق زورلىق - زومبىلىق قۇرباندارىنا ارنالعان وڭالتۋ ورتالىقتارى) جۇزەگە اسىراتىن نەگىزگى پەرسونال (الەۋمەتتىك قىزمەتكەرلەر) مەن باسشى قۇرامعا، سونداي- اق ۇيدە قىزمەت كورسەتەتىن الەۋمەتتىك قىزمەتكەرلەرگە قاتىستى بولادى.

ناتيجەسىندە 2021 -جىلعى 1-قاڭتاردان باستاپ لاۋازىمدىق جالاقىنى ۇلعايتۋ جولىمەن الەۋمەتتىك قىزمەتكەرلەر ءۇشىن جالاقى 1,5 ەسەگە، 2022 -جىلعى 1-قاڭتاردان باستاپ اعىمداعى ماننەن 1,75 ەسەگە، ال 2023 -جىلى 2 ەسەگە وسەدى.

سونىمەن قاتار، م ءا م اكىمشىلىك جانە كومەكشى قىزمەتكەرلەرىنىڭ جالاقىسىن لاۋازىمدىق جالاقىعا قوسىمشا اقىنى 30 دان %40 عا دەيىن ارتتىرۋ ارقىلى كوتەرۋ جوسپارلانۋدا. قىزمەت كورسەتىلەتىن كونتينگەنتتىڭ ەرەكشەلىگىن ەسكەرە وتىرىپ (جالعىزىلىكتى قارتتار، مۇگەدەك ادامدار، ونىڭ ىشىندە ەرەسەكتەر مەن پسيحونيەۆرولوگيالىق اۋرۋلارى بار، تىرەك- قيمىل اپپاراتى بۇزىلعان بالالار) الەۋمەتتىك قىزمەتكەرلەردەن جوعارى پسيحوەموتسيونالدىق دايىندىق، كۇتىم جانە ۇزدىكسىز باقىلاۋ، وڭالتۋ راسىمدەرىن جۇرگىزۋ تالاپ ەتىلەدى.

«بۇل جىل بارلىعىنا قيىن بولدى. ءبىزدىڭ الەۋمەتتىك قىزمەتكەرلەر مەكەمەلەردە ءىس جۇزىندە تۇردى، ەرەكشە كونتينگەنتپەن جۇمىس جاسادى. ءبىز ولاردىڭ ەڭبەگىن باعالايمىز جانە ولاردىڭ ماڭىزدىلىعىن تۇسىنەمىز. بۇل شارا الەۋمەتتىك سالاعا مامانداردى تارتۋعا، قىزمەتكەرلەردىڭ تاپشىلىعىن ازايتۋعا جانە كادرلىق جاعدايدى تۇراقتاندىرۋعا مۇمكىندىك بەرەدى دەپ ۇمىتتەنەمىز»، - دەپ اتاپ ءوتتى ق ر ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى