«مەنىڭ ەسىمىم باقا، بۇگىن مەنىڭ تۋعان كۇنىم». پوليتسەي جاس ءوسپىرىمدى ولىمنەن قۇتقارىپ قالدى

قاراساي اۋدانىنىڭ 15 جاستاعى تۇرعىنى ءوز-وزىنە قول جۇمساماق بولعان. پوليتسەي جاس بالامەن سويلەسىپ، رايىنان قايتارعان. ارتىنشا جاس ءوسپىرىم ماس بولعانى انىقتالعان.

«ءىنىم، سەن مۇزداپ قالدىڭ. (...) مەنىڭ ەسىمىم باقا. بۇگىن مەنىڭ تۋعان كۇنىم. جاسىم 35 كە كەلدى، ءىنىم. ەگەر مەن ساعان قانداي دا ءبىر كومەك بەرە السام ايت»، - دەيدى پوليتسەي جاسوسپىرىمگە.

ناتيجەسىندە پوليتسەي سۋيتسيدتىڭ الدىن الدى.

«پوليتسيا قىزمەتكەرلەرىنىڭ ساۋاتتى ءارى جەدەل ءىس-ارەكەتىنىڭ ارقاسىندا جاسوسپىرىمگە ەشقانداي زيان كەلمەدى جانە ول اتا-اناسىنا جەتكىزىلدى. بالامەن يۋۆەنالدى پوليتسيا قىزمەتكەرلەرى مەن پسيحولوگتار پروفيلاكتيكالىق اڭگىمە جۇرگىزەدى. ال اتا-اناسىنا قاتىستى ق ر اكىمشىلىك قۇقىق بۇزۋشىلىق تۋرالى كودەكسىنىڭ 127 جانە 442-باپتارى بويىنشا ەكى اكىمشىلىك حاتتاما تولتىرىلدى»، - دەيدى قاراساي اۋدانى پ ب باسشىسى بولات توتىبايەۆ.

پوليتسيا قۇرامىنداعى 191-بورتتىڭ ەكيپاجى باقىت جارقىنبەكوۆ پەن ەرنات ماقسات ءوز ارەكەتىن ەرلىك دەپ سانامايتىنىن ايتادى. ولار تۇرعىنداردى كەز كەلگەن قاۋىپتەن قورعاۋ تىكەلەي مىندەتى ەكەنىن اتاپ ءوتتى.

پوليتسيا وكىلدەرى سول كۇنى راسىندا پوليتسيا مايورى باقىت جارقىنبەكوۆتىڭ تۋعان كۇنى بولعانىن جانە ونىڭ جاسى 35 كە كەلگەنىن ايتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى