مەكسيكادا كيتتىڭ جاڭا ءتۇرى تابىلدى

قازىر عالىمدار كيتتىڭ تەرى جاسۋشالارىن زەرتتەپ جاتىر. د ن ق قۇرامىنا تالداۋ جاسالىپ، بۇعان دەيىن بەلگىسىز سۇتقورەكتى ەكەنى رەسمي راستالماق. تۇمسىقتى كيتتەردىڭ تاناۋى دەلفيندىكىندەي ۇشكىر بولىپ كەلەدى. ۇزىندىعى 5 مەترگە جەتەدى. بۇل كيتتەر 914 مەتر تەرەڭدىكتە جۇزەتىندىكتەن، ولاردى باقىلاۋ قيىنعا سوعادى. سۋ بەتىنە دە وتە سيرەك شىعادى. ويتكەنى ولار وسىلايشا باستى جاۋى جىرتقىش كيتتەردەن بوي تاسالايدى. د ن ق تالداۋى ارقىلى بولجام راستالسا، تۇمسىقتى كيتتەردىڭ ءتۇرى 24 كە جەتەدى.

دجەي بارلوۋ، تەڭىز بيولوگى:

- ونىڭ تۇمسىقتى كيت ەكەنى ايدان انىق. ولار قايىققا قاراي جاقىن كەلدى. 2-3 رەت كەلىپ كەتتى. مۇنداي كورىنىستى بۇرىن- سوڭدى كەزدەستىرمەگەن ەدىم. قازىر ءبىز سۋرەتتەردى، سۋاستى بەينەلەرى مەن اكۋستيكالىق مالىمەتتى تىڭعىلىقتى زەرتتەپ جاتىرمىز. ۆيزۋالدى جاعىنان دا، اكۋستيكا تۇرعىسىنان دا بۇرىن- سوڭدى كەزدەسپەگەن تىرشىلىك يەسى دەپ قازىردەن ايتا الامىز.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى