الەۋمەتتىك جەلىدە قانداي ارەكەتتەر ءۇشىن جازا قاراستىرىلعان
وسىعان بايلانىستى جەلىدەگى ارەكەتتەر ءۇشىن جاۋاپكەرشىلىك ماسەلەسىنىڭ وزەكتىلىگى ارتۋدا. بۇگىن اقمولا وبلىسىنىڭ جاس مەملەكەتتىك قىزمەتشىلەر مەكتەبىنىڭ تىڭداۋشىلارى ءۇشىن الەۋمەتتىك جەلىلەردەگى مىنەز- قۇلىق مادەنيەتى تۋرالى ءدارىس وتكىزىلدى.
ق ر مەملەكەتتىك قىزمەت ىستەرى اگەنتتىگىنىڭ اقمولا وبلىسى بويىنشا دەپارتامەنتىنىڭ باس مامانى جازيرا سەيتماعانبەتوۆا تىڭداۋشىلاردى جەلى قولدانۋشىلارىنىڭ مىنەز- قۇلقىن رەتتەيتىن زاڭنامالىق نورمالار تۋرالى حاباردار ەتىپ، جەلىدە تاراتۋعا تىيىم سالىنعان مالىمەتتەرمەن تانىستىردى. ماماننىڭ ايتۋىنشا، قازاقستان رەسپۋبليكاسىنىڭ قولدانىستاعى زاڭناماسىندا قوعامدىق ءتارتىپتى بۇزاتىن نەمەسە ازاماتتاردىڭ قۇقىقتارى مەن زاڭدى مۇددەلەرىنە زيان كەلتىرەتىن جالعان اقپاراتتى جەلىدە تاراتقانى جانە جەلىدە بىرەۋگە قورلىق جاساعانى ءۇشىن جازا تۇرلەرى كوزدەلگەن. سونداي- اق، مامان ازاماتتاردىڭ جەكە دەرەكتەرىن قورعاۋ بويىنشا قۇقىقتارى تۋرالى حاباردار ەتتى. الەۋەتتى مەملەكەتتىك قىزمەتشىلەر «قازاقستان رەسپۋبليكاسىنىڭ مەملەكەتتىك قىزمەتى تۋرالى» زاڭىندا، سونداي- اق مەملەكەتتىك قىزمەتشىلەردىڭ ادەپ كودەكسىندە كوزدەلگەن مىنەز- قۇلىق نورمالارىمەن تانىستى.
«ادەپ كودەكسىنە سايكەس، مەملەكەتتىك قىزمەتشىلەر ومىردە عانا ەمەس، جەلىدە دە جالپىعا ورتاق مورالدىق- ەتيكالىق نورمالاردى ۇستانۋى ءارى قاراپايىم بولۋى ءتيىس»- دەپ ج. سەيتماگانبەتوۆا ەسكەرتتى.
