قىزىلوردا وبلىسىنىڭ ەكس- اكىمى ارىس حالقىنا دەپ جينالعان اقشانى قالتاسىنا باسقان

قىزىلوردا قالالىق №2 سوتىنىڭ سۋدياسى ابدۋللاجان سايدۋللايەۆتىڭ ايتۋىنشا، قۋانىشبەك ىسقاقوۆقا الاياقتىق، ياعني بوتەننىڭ مۇلكىن جىمقىرۋ نەمەسە الداۋ نەمەسە سەنىمدى تەرىس پايدالانۋ جولىمەن بوتەن مۇلىككە قۇقىقتى يەمدەنۋ (ق ر ق ك 190-بابى 4-بولىگىنىڭ 2-تارماعى) ايىبى تاعىلعان.

ال مۇرات يماندوسوۆ، مارات دەلمۇحانوۆ، جەڭىسبەك ىسقاقوۆ، ازات دوسمايىلوۆ قۋانىشبەك ىسقاقوۆقا ادامدار توبىنىڭ الدىن الا ءسوز بايلاسۋى ارقىلى، بوتەننىڭ مۇلكىن جىمقىرۋعا، ونى جاساۋعا كەدەرگىلەردى جويۋعا كومەكتەسكەن (ق ر ق ك 28-بابىنىڭ 5-بولىگىمەن، 190-بابىنىڭ 4-بولىگى 2) تارماعى) دەگەن ايىپتالعان.

«باستى سوت تالقىلاۋىندا سوتتالۋشى ق. ىسقاقوۆتىڭ جاۋاپتى مەملەكەتتىك لاۋازىمدى اتقاراتىن ادام بولا تۇرا، ءوزىنىڭ قىزمەتتىك وكىلەتتىگىن قىزمەت بابىن پايدالانۋمەن ۇشتاستىرا وتىرىپ، ءبىر توپ اداممەن الدىن الا ءسوز بايلاسىپ، اسا ءىرى مولشەردە بوتەننىڭ مۇلكىن جىمقىرعانى انىقتالعان. ال، بۇرىنعى اكىمنىڭ ورىنباسارلارى سوتتالۋشىلار م. يماندوسوۆ جانە م. دەلمۇحانوۆ جاۋاپتى مەملەكەتتىك لاۋازىمدى اتقاراتىن ادام بولا تۇرا، ءوزىنىڭ قىزمەتتىك وكىلەتتىگىن قىزمەت بابىن پايدالانۋمەن ۇشتاستىرا وتىرىپ، سوتتالۋشىلار ج. ىسقاقوۆ جانە ا. دوسمايىلوۆتار سوتتالۋشى ق. ىسقاقوۆپەن ءبىر توپ ادام الدىن الا ءسوز بايلاسۋى ارقىلى بوتەننىڭ مۇلكىن جىمقىرۋعا، ونى جاساۋعا كەدەرگىلەردى جويۋعا كومەكتەسكەن»، - دەيدى ول.

ءىس قۇجاتىنا سايكەس، سوتتالۋشىلار «سىر مەيىرىمى» قوعامدىق الەۋمەتتىك قورىنىڭ ەسەپ شوتىنا 2019 -جىلدىڭ 24 - ماۋسىمىندا ق ر قورعانىس مينيسترلىگى №44856 اسكەري ءبولىمىنىڭ قويماسىندا وق- جاراق جارىلىسىنان زارداپ شەككەن تۇركىستان وبلىسى ارىس قالاسىنىڭ تۇرعىندارىنا كومەك كورسەتۋ ءۇشىن جينالعان 80 ميلليون تەڭگە قايىرىمدىلىق قاراجاتتى ءتورت ج ش س مەن ءو ق ءارقايسىنىڭ ەسەپشوتىنا 20 ميلليون تەڭگەدەن اۋدارتقىزىپ، قولما- قول اقشاعا اينالدىرۋ ارقىلى جىمقىرعان.

ەسكە سالا كەتەيىك، بۇعان دەيىن قىزىلوردا وبلىسىنىڭ بۇرىنعى اكىمى قۋانىشبەك ىسقاقوۆتىڭ 7 جىلعا سوتتالعانىن جازعان بولاتىنبىز.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى