ساۋدا ءمينيسترى ازىق- تۇلىكتى قىمباتتاتپاۋ جولدارىن ايتتى
«كوروناۆيرۋس پاندەمياسىنىڭ كەلەسى تولقىنى مەن جاڭا جىل قارساڭىنداعى ءداستۇرلى باعانىڭ ءوسۋ قاۋىپىن ەسكەرە وتىرىپ، باعانى تەجەۋ بويىنشا مىناداي شارالار قابىلداۋ ۇسىنىلادى. بىرىنشىدەن، اكىمدىكتەر تۇراقتاندىرۋ قورلارىنداعى ازىق- تۇلىك كولەمى مەن تۇرلەرىن قايتا قاراپ، «اينالىم سحەماسى» بويىنشا قارجىلاندىرۋدى كەڭەيتۋ كەرەك. ەكىنشىدەن، اۋىل شارۋاشىلىعى مينيسترلىگى الەۋمەتتىك ماڭىزى بار ازىق- تۇلىك تاۋارلارىنىڭ باعاسىن تۇراقتاندىرۋ ءۇشىن ازىق- تۇلىك كورپوراتسياسى بازاسىنداعى بيداي رەزەرۆتەرىن قاداعالاۋى قاجەت»، - دەدى باقىت سۇلتانوۆ ۇكىمەت وتىرىسىندا.
ۇشىنشىدەن، مينيستر اكىمدىكتەرگە شەكتى رۇقسات ەتىلگەن بولشەك ساۋدا باعاسىن بەلگىلەۋدى ۇسىندى. سونداي-اق، باعالاردىڭ نەگىزسىز ءوسۋىن باقىلاپ، شەكتى باعانىڭ ساقتالۋىن قامتاماسىز ەتۋ قاجەت. بۇعان دەيىن ب. سۇلتانوۆ ازىق-تۇلىكتىڭ ەڭ قىمبات باعاسى نۇر-سۇلتاندا تىركەلگەنىن ايتىپ، شەكتى باعا بەلگىلەۋ قۇرالىن پايدالانباي وتىرعان اكىمدىكتەردى سىناعان ەدى.
اۆتور: ايجان سەرىكجان قىزى
