مينيستر ەلىمىزدەگى ازىق-تۇلىكتىڭ باعاسى ەڭ قىمبات قالانى ايتتى

بۇل تۋرالى ق ر ساۋدا جانە ينتەگراتسيا ءمينيسترى باقىت سۇلتانوۆ ءمالىم ەتتى، دەپ حابارلايدى قازاقپارات.

«جىل باسىنان بەرى باعانىڭ ەڭ جوعارى ءوسىمى نۇر-سۇلتان قالاسىندا (15,6 پروتسەنت)، پاۆلودار (15,4 پروتسەنت) جانە اتىراۋ وبلىستارىندا (12,9 پروتسەنت) تىركەلدى. الەۋمەتتىك ماڭىزى بار تاۋارلاردىڭ 19 ءتۇرى بار ءتىزىمىنىڭ سەگىزى بويىنشا باعانىڭ 10 پروتسەنتتەن 30 پروتسەنتكە دەيىن ەداۋىر ءوسۋى بايقالادى. قانت پەن قاراقۇمىق جارماسى سياقتى يمپورتقا تاۋەلدى تاۋارلاردىڭ باعاسى قارقىندى ءوستى. وعان جىل ىشىندە ۆاليۋتا باعامىنىڭ جانە الەمدىك باعانىڭ ءوسۋى سەبەپ بولدى. قانت پەن قاراقۇمىق نەگىزىنەن رەسەيدەن يمپورتتالادى، سايكەسىنشە تاۋارلار 33,6 پروتسەنت جانە 34,6 پروتسەنتكە قىمباتتادى»، - دەدى باقىت سۇلتانوۆ ۇكىمەتتىڭ بۇگىنگى وتىرىسىندا.

سونىمەن بىرگە، ەكسپورتقا باعدارلانعان كەيبىر تاۋارلار دا قىمباتتادى.

«كۇنباعىس مايى الەمدىك باعانىڭ 53,8 پروتسەنتكە، كارتوپ ەكسپورتتىڭ 46,1 پروتسەنتكە وسۋىنە بايلانىستى قىمباتتادى. تاۋىق سانىنىڭ ازايۋى مەن ءوندىرىستىڭ 6,3 پروتسەنتكە تومەندەۋى سالدارىنان جۇمىرتقانىڭ باعاسى ءوستى. اتالعان بەس تاۋاردىڭ قىمباتتاۋى ازىق- تۇلىك ينفلياتسياسىنىڭ جالپى مولشەرىندە ماڭىزدى ءرول اتقاردى. ولاردى ەسەپكە الماعاندا باعانىڭ جالپى ءوسىمى اعىمداعى 9,6 پروتسەنتتىڭ ورنىنا شامامەن 2 پروتسەنتتى قۇرار ەدى»، - دەپ ءتۇسىندىردى مينيستر.

اۆتور: ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى