جۇرگىزۋشى كۋالىگىن الۋعا ناركولوگيالىق جانە پسيحديسپانسەر انىقتاماسى قاجەت بولمايدى
«شىنىمەن دە، مۇنداي ماسەلەنى ىشكى ىستەر مينيسترلىگى دەنساۋلىق ساقتاۋ مينيسترلىگىمەن بىرلەسىپ تالقىلاپ جاتىر. قازىرگى ۋاقىتتا اقپاراتتىق جۇيەلەردى ينتەگراتسيالاۋعا قاتىستى جۇمىستاردىڭ ءبىر بولىگى جۇرگىزىلدى. ءبىز جىل سايىن شامامەن 900 مىڭ جۇرگىزۋشى كۋالىگىن بەرەمىز. ولاردىڭ قاتارىندا جۇرگىزۋشى كۋالىگىن العاش الاتىندار، مەرزىمى وتۋىنە بايلانىستى اۋىستىراتىندار نەمەسە جاڭا سانات الاتىندار بار»، - دەدى ول.
ونىڭ اتاپ وتۋىنشە، دەنساۋلىق ساقتاۋ مينيسترلىگى مەن «ۇلتتىق اقپاراتتىق تەحنولوگيالار» ا ق تاراپىنان ءتيىستى جۇمىس جۇرگىزىلگەننەن كەيىن جۇرگىزۋشى كۋالىگىن مەرزىمى وتۋىنە بايلانىستى اۋىستىراتىن نەمەسە جاڭا سانات الاتىن ازاماتتاردان قاعاز تۇرىندەگى ناركولوگيالىق جانە پسيحوديسپانسەر انىقتاماسى تالاپ ەتىلمەيدى.
«ويتكەنى، بۇل مالىمەتتەردىڭ بارلىعى اقپاراتتىق جۇيەدەن الىنادى»، - دەپ تۇسىندىرەدى سەرىك ءتۇسىپوۆ. دەگەنمەن، كوميتەت ءتوراعاسىنىڭ ورىنباسارى بۇل جاڭاشىلدىق الدىمەن تەستىلەۋدەن وتەتىندىگىن ايتادى.
اۆتور: مارلان جيەمباي
