ەلوردادا ينفەكسيا جۇقتىرعان ناۋقاس سانى كۇن سايىن ارتىپ كەلەدى

بۇل تۋرالى Аntikor.live جوباسىندا نۇر-سۇلتان قالاسىنىڭ قوعامدىق دەنساۋلىق ساقتاۋ باسقارماسى باسشىسى تيمۋر مۇراتوۆ ايتتى، دەپ حابارلايدى قازاقپارات ءتىلشىسى.

«قازىرگى تاڭدا قالاداعى ەپيدەميولوگيالىق جاعداي سالىستىرمالى تۇردە العاندا تۇراقتى. دەگەنمەن ينفەكسيا جۇقتىرعان ناۋقاس سانى كۇن سايىن ارتىپ كەلەدى. جەلتوقسان ايىندا تاۋلىگىنە كوروناۆيرۋس جۇقتىرۋدىڭ 70 جاڭا جاعدايى تىركەلىپ وتىر. ينفەكسيالىق ستاتسيونارلاردا 174 ناۋقاس كوروناۆيرۋستان ەمدەلىپ جاتىر. 18 ادام كارانتيندىك ستاتسيوناردا ەمدەلۋدە. جالپى العاندا 192 ادام ەم الۋدا»، - دەيدى نۇر-سۇلتان قالاسىنىڭ قوعامدىق دەنساۋلىق ساقتاۋ باسقارماسى باسشىسى تيمۋر مۇراتوۆ.

ونىڭ ايتۋىنشا، بيىل جەلتوقسان ايىنىڭ توعىز كۇنىندە 558 جاڭا كوروناۆيرۋس ينفەكسيا تىركەلىپ وتىر.

«پايىزبەن سالىستىرىپ قاراساق، ستاتسيونارلاردا كوروناۆيرۋسپەن اۋىرىپ جاتقاندار سانى ازايدى. كوروناۆيرۋستىڭ العاشقى تولقىنى كەزىندە ءبىراز قيىنشىلىققا تاپ بولىپ، ناۋقاستاردى ەمدەۋگە مۇمكىندىگىمىز بولماي قالعان ەدى. ەكىنشى تولقىنعا دايىندىق بارىسىندا الدىمەن امبۋلاتورلىق ەمحانا جۇيەسىن قاداعالاپ، ولاردىڭ جۇمىسىنىڭ جاڭا الگوريتمىن جاسادىق. بارلىق ەمحاناداعى فيلتر كابينەتتەرىنىڭ جۇمىسىن كۇشەيتتىك»، - دەيدى ول.

اۆتور: زارينا قاھارمان

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى