قاراعاندى وبلىسىندا كارانتين تالاپتارى وزگەردى

وسىعان بايلانىستى وبلىستىڭ باس مەملەكەتتىك سانيتارلىق دارىگەرى جاڭا قاۋلىعا قول قويدى، دەپ حابارلايدى قازاقپارات ءتىلشىسى.

جاڭا قاۋلىعا سايكەس، ساۋدا نىساندارىندا بالالار ويىن الاڭدارى مەن اتتراكسيوندارعا ءالى دە تىيىم سالىنعان. ساۋدا نىساندارىندا (ساۋدا- ويىن- ساۋىق ورتالىقتارى، جابىق ازىق- تۇلىك جانە ازىق- تۇلىك ەمەس بازارلار، ساۋدا ۇيلەرى) الەۋمەتتىك قاشىقتىقتى، ماسكا جانە كۇشەيتىلگەن سانيتاريالىق- دەزينفەكسيالىق رەجيمدى ساقتاۋ مىندەتتى.

كىرەبەرىستە ءار كەلۋشىگە تەرمومەتريا جۇرگىزىلۋى كەرەك. فۋد-كورتتار تەك تاماقتى وزىمەن بىرگە الىپ كەتۋ جانە جەتكىزۋ بويىنشا عانا جۇمىس ىستەي الادى. بۇل نىسانداردىڭ قىزمەتى جۇمىس جانە دەمالىس كۇندەرى - 24.00 گە دەيىن، مەرەكە كۇندەرى-17.00 گە دەيىن جالعاسادى.

12-جەلتوقسان ساعات 00:00 دەن باستاپ دەمالىس جانە مەرەكە كۇندەرى ساۋدا نىساندارىنىڭ (ساۋدا- ويىن-ساۋىق ورتالىقتارى، جابىق ازىق- تۇلىك جانە ازىق- تۇلىك ەمەس بازارلار، ساۋدا ۇيلەرى) 17.00 گە دەيىن جۇمىس ىستەۋىنە رۇقسات ەتىلەدى. بۇل ۋاقىت شەكتەۋلەرى ازىق-تۇلىك سۋپەرماركەتتەرى مەن ولارداعى ءدارىحانالارعا قاتىستى ەمەس.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى