بولاشاقتا قۇرىلىستاعى قانداي ماماندىقتار جويىلادى
بۇل تۋرالى قازاقپارات energyprom.kz سايتىنا سىلتەمە جاساپ حابارلايدى.
داعدارىس جاعدايىندا قازاقستاندا ءوسىم تانىتىپ وتىرعان سالالاردىڭ ءبىرى قۇرىلىس بولىپ تابىلادى.
2020-جىلعى قاڭتار-قازان ايلارىندا سەكتورداعى ءوندىرىس پەن قىزمەت كورسەتۋ كولەمى وتكەن جىلدىڭ وسىنداي كەزەڭىمەن سالىستىرعاندا 10,7 پايىزعا وسكەن. اعىمداعى جىلدىڭ ءۇشىنشى توقسانىندا قۇرىلىس سالاسىندا 621,8 مىڭ ادام نەمەسە رەسپۋبليكانىڭ ەڭبەككە قابىلەتتى تۇرعىندارىنىڭ 7,1 پايىزى جۇمىس ىستەدى.
ەلدەگى ەكونوميكالىق بەلسەندىلىكتىڭ تومەندەۋىنە بايلانىستى، ءبىر جىلدىڭ ىشىندە جۇمىس ىستەۋشىلەردىڭ سانى 3,1 پايىزعا قىسقارعان. بۇگىندە قۇرىلىس سالاسىندا جاڭا تەحنولوگيالار وڭدەلىپ، جىلدام قارقىنمەن ەنگىزىلۋ ۇستىندە.
ون-جيىرما جىل بۇرىن بولاشاق تەحنولوگياسى بولىپ كورىنگەننىڭ كوبىن بۇگىندە الەم بويىنشا قۇرىلىس الاڭدارىنان كورۋگە بولادى. تيىسىنشە، جاڭا ماماندىقتار مەن كادرلارعا دەگەن قاجەتتىلىك تۋىنداپ، بۇرىنعى ماماندىقتاردىڭ قاجەتتىلىگى ازايىپ كەلەدى.
قازاقستاننىڭ جاڭا ماماندىقتار مەن قۇزىرەتتەر اتلاسىنىڭ مالىمەتىنشە، 2035-جىلعا قاراي قۇرىلىس سەكتورىندا 16 دان استام ماماندىق جويىلىپ كەتۋى مۇمكىن.
وسىلايشا، مىسالى، 2025-جىلعا قاراي سىزباشى ماماندىعى جويىلۋى مۇمكىن. قۇرىلىس نىساندارىن جوبالاۋ، سودان كەيىن نىساندى سالۋ ءۇشىن قاجەتتى قۇرامداستاردى ءوندىرۋ الداعى بولاشاقتا سيفرلىق جانە ادديتيۆتىك تەحنولوگيالار كومەگىمەن تولىق جۇزەگە اسىرىلاتىن بولادى.
2030-جىلعا قاراي كەلەسى ماماندىقتار جويىلادى: شاتىرشىلار، وڭدەۋشىلەر، سىلاقشىلار، پىسىرۋشىلەر، گازدىق كەسكىشتەر، ارماتۋراشىلار، قاپتاۋشىلار جانە ت. ب. ال 2035-جىلعا قاراي قۇرىلىسشى مونتاجداۋشى، قۇرىلىس سىرلاۋشىسى، سىرشى، سىرلاۋشى جانە تاعى باسقا ماماندىقتار جويىلادى.
