ءىز-ءتۇسسىز عايىپ بولعان كەمەلەر

بۇگىن ءبىز جۇمباق جاعدايدا مۇحيتتا جوعالعان كەمەلەر تۋرالى اڭگىمەلەيمىز.

Porpoise

1832-جىلى قۇرىلعان كەمە قوس جەلكەنىنىڭ ءتۇرلى-ءتۇستى بولۋىنا بايلانىستى «بريگ- حامەلەون» دەگەن لاقاپاتپەن تانىمال بولعان. كەمە 1838-جىلى زەرتتەۋ ەكسپەديتسياسىنا قاتىسىپ، انتاركتيداعا دەيىن بارعان. سودان كەيىن قىتايعا قاراي ساپارىندا گونكونگقا جەتۋىنە ەكى كۇن قالعاندا ءىز-ءتۇسسىز جوعالىپ كەتكەن.

Wasp

Wasp بريتان كاپەرى اسكەري كەمە ەدى. ول 13 وپەراتسياعا قاتىسىپ، 1814-جىلعا قاراي تەڭىز قاراقشىلارى ءۇشىن ەڭ قاۋىپتى كەمەگە اينالعان. 1814-جىلى 22- قىركۇيەكتە كەمە ەكيپاجىنا ساۋدا كەمەسىنە شابۋىل جاساۋ بۇيىرىلعان. بۇيرىق بويىنشا كەمە كاپيتانى جولدا كەزدەسكەن بارلىق كەمەنى سۋعا باتىرۋى كەرەك ەدى. ءبىر كۇننەن كەيىن Wasp بەلگىلى ساۋدا جولىندا جۇمباق تۇردە عايىپ بولعان.

SS Baychimo

بۇل جۇك كەمەسى كانادانىڭ سولتۇستىگىنەن ءجۇن تاسىعان. 1931-جىلدىڭ قىسى تىم ەرتە باستالىپ، جولعا شىققان كەمە مۇزدا تۇرىپ قالعان. ەكيپاجدىڭ كوپ بولىگى قۇتقارىلدى، 20 مۇشەسى اۋا-رايىنىڭ وزگەرۋىن كۇتىپ، كەمەدە قالۋعا شەشىم قابىلداعان. سودان كەيىن بۇل ادامداردى ەشكىم كورمەگەن.

ۆاراتا

1909-جىلى ۆاراتا جولاۋشىلار كەمەسى دۋرباننان كەيپتاۋنعا جولعا شىققان. كۋاگەرلەردىڭ ايتۋىنشا (Gestar اسكەري كەمەسى پاراللەل قوزعالعان)، تۇندە كەمەدە تاڭعالارلىق جارىق جارقىلدار بايقالعان، سودان كەيىن كەمە مۇلدەم جوعالىپ كەتتى. ۆاراتانى ىزدەۋ ءبىر عاسىر ىشىندە بىرنەشە رەت قولعا الىندى. سوڭعى 2004-جىلعى ىزدەۋ ءساتسىز اياقتالدى.

USS تسيكلوپ

بولاتتان جاسالعان الىپ كەمە تسيكلوپ 1918-جىلى برازيليادان بالتيمورعا بارا جاتىپ جوعالىپ كەتتى. كەمەدە قارۋ-جاراق ءۇشىن ماڭىزدى ءونىم مارگانەتستىڭ ۇلكەن قورى بولعان. ءبىر قىزىعى، ا ق ش اسكەري-تەڭىز كۇشتەرى ءتىپتى سوعىسقا قاجەت جۇكتى الىپ بارا جاتىپ جوعالىپ كەتكەن كەمەنى تابۋعا تىرىسقان جوق.

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى