ماحاببات بەكبوسىنوۆا كوروناۆيرۋس كوبىنە قاي جەرلەردە جۇعاتىنىن ايتتى
«جاز ايلارىندا كوۆيد ورتالىعى رەتىندە جۇمىس ىستەگەن كەزىمىزدە، كورونوۆيرۋستىڭ اۋىر فورماسىنا شالدىققان ناۋقاستاردى قابىلدادىق. ەم- دوم العان ناۋقاستاردىڭ 90 پايىزى ينفەكتسيانى ءتۇرلى ءىس- شارالاردا، ياعني ۇيلەنۋ تويىندا، تۋعان كۇن، قۇدالىق سەكىلدى ءداستۇرلى جيىنداردا جۇقتىرعان. بۇل - ءوز كەزەگىندە ۇلكەن پروبلەما. سوندىقتان ادامدار كوپ جينالاتىن جەرگە بارماۋعا كەڭەس بەرەمىن. نەگىزگى تالاپتاردى ۇستانىپ جۇرگەن، ىندەت جۇقتىرماعان جاقسى تانىس ادامدارمەن كەزدەسۋگە بولاتىن شىعار، الايدا وتباسىلىق جانە باسقا دا ۇلكەن جيىندارعا، ساۋدا ورتالىقتارىنا بارعان ءالى دە قاۋىپتى»، - دەدى م. بەكبوسىنوۆا.
ونىڭ ايتۋىنشا، ستاتيستيكا بويىنشا ينفەكتسيا كوبىنە قوعامدىق كولىكتە، ساۋدا ورتالىقتارىندا، كوپقاباتتى ۇيلەردىڭ ليفتىسىندە تارايدى.
«ساقتىق ءىس- شارالارىنا ءمان بەرىپ، ماسكا تاعىپ، اراقاشىقتى ساقتاۋ كەرەك. اۋىرعاندا كوشەگە شىعۋدىڭ قاجەتى جوق. وسى جايىندا دارىگەرگە حابارلاعان ءجون. تۇرعىلىقتى جەردەگى ەمحانامەن بايلانىستا بولۋ قاجەت. ىندەت جايىندا ەرتەرەك حابارلانسا، ەم- دوم ناتيجەلى بولادى. ەڭ باستىسى، جاز ايلارىنداعى احۋال قايتالانباۋى ءتيىس. ول كەزدە ىندەتتىڭ تارالۋ وشاعى كەڭەيگەن ەدى. بۇل ءوز كەزەگىندە مەديتسينا قىزمەتكەرلەرى ءۇشىن ۇلكەن سىناق بولدى. الدا مەرەكە كۇندەرى كەلە جاتىر، بارشا قازاقستان حالقىن تاۋەلسىزدىك كۇنىمەن قۇتتىقتايمىن!»، - دەدى ماحاببات بەكبوسىنوۆا.
ايتا كەتەيىك، ورتالىق باسشىسى كوروناۆيرۋستان كەيىنگى سيندروم جوباسى جايىندا تۇسىنىك بەردى.
