ۇلتتىق بانك تەڭگەنىڭ نىعايۋىنا نە سەبەپ بولعانىن ءتۇسىندىردى

ونىڭ ايتۋىنشا، ا ق ش- تاعى سايلاۋ ناتيجەسى جونىندەگى بەلگىسىزدىككە بايلانىستى تاۋەكەلدەردىڭ تومەندەۋى جانە Covid-19-عا قارسى ۆاكسينا جەتىستىكتەرى تۋرالى حابارلامالار ۇلتتىق ۆاليۋتانىڭ نىعايۋىنا اسەر ەتتى.

قاراشا ايىندا وڭ ناتيجە قالىپتاستى. سونىمەن قاتار مۇناي باعاسى ءوستى.

«سىرتقى نارىقتاعى، سول سياقتى ىشكى نارىقتاعى جالپى پوزيتيۆكە بايلانىستى قاراشادا تەڭگە باعامىنىڭ ءبىرقالىپتى نىعايۋى بولدى. قاراشاداعى باستى جاڭالىق - بىرنەشە فارماتسيەۆتيكالىق كومپانيانىڭ كوروناۆيرۋسقا قارسى ۆاكسينانى سىناقتان ءساتتى وتكىزۋى. 9 - قاراشادا Pfizer جانە BioNTech كومپانيالارى ازىرلەگەن كوروناۆيرۋسقا قارسى الەۋەتتى ۆاكسينانىڭ سىناقتار كەزىندە 90 پايىزدان استام تيىمدىلىكتى كورسەتكەنى تۋرالى حابارلامالار پايدا بولدى.

كەيىنىرەك، 16- قاراشادا تيىمدىلىگى % 94,5 بولعان Moderna كومپانياسىنىڭ ۆاكسيناسىن سىناۋدىڭ وڭ ناتيجەلەرى جاريالاندى. ۆاكسينالاردى پايدالانۋ جانە كومىرسۋتەكتەرگە سۇرانىستى قالپىنا كەلتىرۋ بويىنشا كۇتۋلەر اياسىندا مۇناي باعاسى قاراشانىڭ قورىتىندىسى بويىنشا ءبىر باررەل ءۇشىن 37,5 دوللاردان 47,6 دوللارعا دەيىن نەمەسە % 27- عا ءوستى»، - دەيدى ءاليا مولدابەكوۆا.

مۇناي باعاسىنان جانە جاھاندىق نارىقتارداعى ينۆەستورلاردىڭ تاۋەكەل دارەجەسىنىڭ جالپى ارتۋىنان باسقا، سالىق اپتاسى ايدىڭ سوڭىندا تەڭگەنىڭ نىعايۋىنا قوسىمشا فاكتور بولدى. قاراشا - سالىق ايى، ال ەكسپورتتاۋشىلار سالىق تولەمدەرى ءۇشىن شەتەل ۆاليۋتاسىن ءىرى كولەمدە ساتتى. بارلىق وسى فاكتورلاردىڭ جيىنتىعى قاراشاداعى تەڭگەنىڭ سەرپىنىنە وڭ اسەر ەتتى. ناتيجەسىندە ءبىر ايدا تەڭگە 432,64-تەن 423,87-گە دەيىن نەمەسە % 2- عا نىعايدى.

«شىنىندا دا، قاراشادا كوپتەگەن دامۋشى ەلدەردىڭ ۆاليۋتالارى پوزيتيۆ نەگىزىندە ءوستى. برازيليا رەالى % 6,6- عا، مەكسيكا پەسوسى مەن وڭتۇستىك افريكا راندى % 4,7- عا نىعايدى. جالپى قوزعالىسپەن بىرگە كەيبىر ۆاليۋتاعا جەرگىلىكتى فاكتورلار دا اسەر ەتتى. رەسەيدە - بۇل رۋبل % 3,7 - عا وسكەن سالىق كەزەڭى. تۇركيادا ورتالىق بانك پەن قارجى مينيسترلىگى باسشىلارىنىڭ جۇمىستان بوساتىلۋى نەگىزگى مولشەرلەمەنىڭ % 15 دەڭگەيىنە دەيىن 4,75 پروتسەنتتىق پۋنكتقا كوتەرىلۋى اياسىندا ليرانىڭ % 6,2- عا نىعايۋىنا كەدەرگى بولعان جوق. جەلتوقساننىڭ باسىندا بۇل ءۇردىس جالعاسىپ، تەڭگە دە قالىس قالعان جوق، جەلتوقساننىڭ باسىنان باستاپ باعام ءبىر دوللار ءۇشىن 423,87 تەڭگەدەن 421,51 تەڭگەگە دەيىن نەمەسە % 0,6- عا نىعايدى. نەگىزگى سەبەپ - مۇناي نارىعىنداعى وڭ سەرپىن»، - دەيدى ۇلتتىق بانك وكىلى.

جەلتوقساندا مۇناي نارىعىنداعى «راللي» وپەك+ ەلدەرىنىڭ مۇناي ءوندىرىسىن ۇلعايتۋدىڭ قالىپتى قارقىنى تۋرالى ۋاعدالاستىققا قول جەتكىزۋىنە بايلانىستى جالعاستى. 2021 -جىلدىڭ قاڭتارىنان باستاپ ءوندىرۋدى ۇلعايتۋ بۇعان دەيىن جوسپارلانعان كولەمنىڭ تورتتەن ءبىرى تاۋلىگىنە 500 مىڭ باررەلدى قۇرايدى، بۇنى الەمدىك نارىقتار وڭ قابىلدادى. 4 - جەلتوقساندا مۇنايدىڭ باعاسى 2020 -جىلدىڭ ناۋرىزىنان بەرى العاش رەت ءبىر باررەل ءۇشىن $49 دوللاردان استى. سونىمەن قاتار، ول قاراشا ۆاليۋتا نارىعى ءۇشىن سىرتقى جانە ىشكى فاكتورلارعا قولايلى بولعانىن جەتكىزدى.

«جوعارىدا اتاپ وتكەنىمدەي، شەتەل ۆاليۋتاسىن ۇسىنۋدىڭ ۇلعايۋى ەكسپورتتاۋشىلاردىڭ سالىق تولەمدەرىنە ماۋسىمدىق ساتۋلارىمەن قامتاماسىز ەتىلدى. ۇلتتىق قوردان ساتۋلار، سونداي- اق كۆازيمەملەكەتتىك سەكتور سۋبەكتىلەرىنىڭ $ 244 ميلليون دوللارعا ۆاليۋتالىق ءتۇسىمدى ساتۋى ۇلتتىق ۆاليۋتاعا قوسىمشا قولداۋ كورسەتتى»، - دەيدى ءاليا مولدابەكوۆا.

اۆتور: الما مۇقانوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى