كوروناۆيرۋس بولماسا، ءيىس سەزۋ قابىلەتىن جوعالتۋ نەنى بىلدىرەدى؟
مامانداردىڭ ايتۋىنشا، ءيىس سەزۋ قابىلەتىنىڭ بولماۋى كوپتەگەن ءتۇرلى پاتولوگيالاردىڭ سيمپتومى بولىپ تابىلادى - ءيىس سەزۋ قابىلەتىنىڭ كەنەتتەن جوعالۋى مۇرىن قۋىسىنىڭ شىرىشتى قاباتىنىڭ ءىسىنۋى كەزىندە پايدا بولادى. ج ر ۆ ي- مەن اۋىرعان كەزىندە شىرىشتى قاباتتاردا قان كوپتەپ جينالادى، بۇل اۋا اعىنىن ەداۋىر قيىنداتىپ، ءيىس سەزۋ قابىلەتىنىڭ تومەندەۋىنە سەبەپشى بولادى. ءدال وسىنداي جاعداي جەدەل اللەرگيالىق رەاكسيالار كەزىندە دە پايدا بولادى. COVID-19 كەزىندە ءيىس سەزۋ قابىلەتى جوعالادى، ءبىراق مۇرىن بىتەلۋ جاعدايى بولمايدى.
سونداي-اق، ءيىس سەزۋ قابىلەتى ينفاركتتان كەيىنگى جاعدايلاردا، مۇرىننىڭ سىنۋى، نەيرودەگەنەراتيۆتى اۋرۋلار، مي ىسىكتەرى، سونداي-اق پاركينسون جانە السگەيمەر اۋرۋلارى كەزىندە جوعالىپ كەتۋى مۇمكىن. اۋىر سوزىلمالى اۋرۋلاردا ءيىس سەزۋ قابىلەتى اۋرۋدىڭ اۋىر كورىنىستەرى پايدا بولعانعا دەيىن ءۇش-ءتورت جىل بۇرىن جوعالادى. سوندىقتان العاشقى بەلگىلەر كەزىندە دارىگەرمەن كەڭەسىپ، تەكسەرۋدەن ءوتۋ وتە ماڭىزدى.
