قاراعاندى وبلىسى الداعى ايازدى كۇندەرگە دايىن با
ول تۇرعىنداردىڭ شاعىمىنا جەدەل جاۋاپ بەرۋدى تالاپ ەتتى، دەپ حابارلادى قازاقپارات ءتىلشىسى.
ەنەرگەتيكا جانە تكش باسقارماسىنىڭ باسشىسى ۇلانتاي ۇسەنوۆتىڭ ايتۋىنشا، وبلىستا جىلىتۋ ماۋسىمى شتاتتىق رەجيمدە وتۋدە. ونىڭ ايتۋىنشا، بارلىق ج ە و مەن قازاندىقتار تەمپەراتۋرالىق رەجيمگە شىدايدى.
«وسى اپتادا 30 گرادۋسقا دەيىن اياز بولادى دەپ بولجانعان. قازىردىڭ وزىندە وتە سۋىق. جىلۋعا بايلانىستى كەز كەلگەن شاعىمدى نازاردان تىس قالدىرماۋدى تالاپ ەتەمىن. اۋقىمدى سۇراقتارمەن عانا اينالىسپاڭىزدار. جەكە ۇيدە، كىرەبەرىستە پروبلەمالار بولسا، جەدەل ارەكەت ەتىڭىزدەر، شەشىمىن ىزدەڭىزدەر»، - دەدى جەڭىس قاسىمبەك.
ەستەرىڭىزگە سالا كەتەيىك، اكىمدەر جىلىتۋ ماۋسىمىنىڭ تۇراقتى وتۋىنە دەربەس تۇردە جاۋاپتى بولادى. ۇيگە كىرگەنگە دەيىن جىلۋ بەرۋ جۇيەسىنىڭ كىدىرىسسىز جۇمىسىن قىزمەت كورسەتۋشىلەر قامتاماسىز ەتەدى. ال جىلىتۋ جۇيەسىنىڭ جاعدايى مەن تۇراقتى جۇمىسىن پيك پەن تۇرعىنداردىڭ وزدەرى قاداعالاۋى ءتيىس.
