جاقىندارىڭىزدى قارجى پيراميداسىنان قالاي قورعاۋ قاجەت

قازاقستاندا قارجى پيراميدالارىنا تىيىم سالىنعان، الايدا الاياقتار ازاماتتاردى الداپ- ارباۋىن توقتاتپاۋدا. قۇقىق قورعاۋ ورگاندارىنىڭ دەرەگى بويىنشا 2019 -جىلى قارجى (ينۆەستيتسيالىق) پيراميدا قۇرۋدىڭ جانە وعان باسشىلىق ەتۋدىڭ 24 فاكتىسى انىقتالسا، وسى جىلدىڭ تەك 9 ايىندا 146 فاكتى انىقتالعان. قارجى پيراميداسىن قۇرۋشىلار كريپتوۆاليۋتا، شەتەل كومپانياسىنىڭ اكتسياسى، بيجۋتەريا، تۋريستىك جولداما جانە باسقا دا ءتۇرلى تاۋار نەمەسە قىزمەتپەن ساۋدا جاسايتىنىن جانە ازاماتتاردى تابىسى جوعارى جوباسىنا اقشا سالۋدى شاقىرا وتىرىپ زاڭدى قىزمەت ەتەتىنىن ايتۋمەن بولادى. الايدا ينتەرنەتتەن جىلدام ءارى جەڭىل اقشا تابۋ جولىن ىزدەيتىن سەنگىش ينۆەستورلار وسىندايدا ءىرى قارجىسىنان ايىرىلادى. زاماناۋي قارجى پيراميداسى - بۇل قىزمەتتىڭ ءتۇرلى سالاسىنىڭ اتىن جامىلا بىلەتىن، اسىرەسە ينتەرنەتتەگى الاياقتىق جانە قارجى الاياقتارى. ادەتتە سالىمشىلارعا كەلەسى قاتىسۋشىنىڭ سالىمىنان پايدا كەلەتىنى ۋادە ەتىلەدى. الايدا تاجىريبەدە قارجى پيراميداسىن قۇرۋشىلاردىڭ ماقساتى سالىمشىنىڭ قاراجاتىن كوبەيتۋ ەمەس، جاڭا قاتىسۋشىلاردىڭ كەلۋى ازايعان كەزدە بارلىق سالىنعان قارجىمەن قاشىپ كەتۋ.

قارجى پيراميدالارى ۇزاق مەرزىمدى جانە قىسقا مەرزىمدى جوبالارعا ينۆەستيتسيا سالۋدى؛ جىلجىمايتىن مۇلىك، اۆتوموبيل جانە باسقا دا مۇلىك ساتىپ الۋعا اقشا جيناۋعا كومەكتەسۋدى؛ ساتىپ الۋلارعا، قىزمەتتەرگە، ويىن- ساۋىققا جانە باسقاعا ارنالعان قوسىمشا بونۋستار ۇسىنا وتىرىپ ەكسكليۋزيۆتى كلۋبقا مۇشەلىكتى؛ بينارلىق وپتسيوندار ءۇشىن پلاتفورمادا قوسىمشا تابىس تابۋدى؛ تۇرعىن- جاي جاعدايىڭىزدى جاقسارتۋ ءۇشىن تۇتىنۋشىلىق كووپەراتيۆكە كىرۋدى جانە ت. ب. ۇسىنۋى مۇمكىن. «اشىق پيراميدا» دەپ اتالاتىندار بار - ولار ينۆەستيتسيالاۋمەن نەمەسە بيزنەسپەن اينالىسپايتىنىن جاسىرمايدى. ونىڭ نەگىزىن قالاۋشىلار باسىندا بارلىق قاتىسۋشىعا اقشانىڭ جەتپەيتىنىن جانە تارتىلعان بارلىق ءتۇسىم جاڭا كليەنت تارتۋ ەسەبىنەن بولاتىنىن ەسكەرتەدى. قارجى پيراميداسى «ەرەكشە/ايىرىقشا» ، «عاجايىپ» ، «پايدالى» تاۋاردى نەمەسە «ارنايى»، «شەكتەۋلى» قىزمەتتى ۇسىنا وتىرىپ، جەلىلىك ماركەتينگىنىڭ اتىن جامىلۋى مۇمكىن. بۇل كوسمەتيكا، ساعات، اكتسياعا اقشا سالۋدى وقىتۋدان باستاپ ءتۇرلى قىزمەتتەر، كلۋب مۇشەلىگىنە دەيىن ءتۇرلى كۋرستار، كرۋيزگە، ساياحاتقا شىعۋعا ۇسىنىستار جانە ويىن- ساۋىقتار بولۋى مۇمكىن. قارجى پيراميداسى ءوزىن كونسالتينگ كومپانيا رەتىندە كورسەتۋى مۇمكىن.

الاياقتار ازاماتتارعا قارجى نارىعىندا اقشا تابۋدى ۇسىنادى، كەيدە اقىسىز كەڭەس بەرەدى، ال ولاردىڭ قىزىعۋشىلىعى كليەنتتىڭ سەرىكتەس بروكەردە شوت اشۋىندا بولىپ كەلەدى. الاياقتار ينۆەستورلاردى «سەرىكتەستەرگە» اقشا جىبەرۋگە شاقىرادى. كەيبىر جاعدايدا الاياقتار كليەنت ولارعا پايدانىڭ پايىزىن ادال بەرىپ وتىرادى دەگەن ەسەپپەن ۇسىنىس جاسايدى، ءبىراق بولجام دۇرىس بولماعان جاعدايدا جالعان كونسۋلتانت وعان جاۋاپ بەرمەيدى. كونسۋلتاتسيالىق قىزمەت باسقا مىندەتتەمەلەرگە اۋىرتپالىق تۇسىرمەۋى كەرەك. ەگەر كونسۋلتانت اقپاراتتى ساتۋدىڭ ورنىنا باسقا قىزمەتتى نەمەسە شارتى جۇكتەسە، وندا بۇل جالعان كونسۋلتانت. ەگەر جالعان كونسالتينگ جەتكىلىكتى دامىعان اۋديتورياعا ارنالعان تۇزاق دەيتىن بولساق، قارجى ساۋاتتى تومەن ادامدار ءۇشىن الاياقتار اقشا تابۋدىڭ ءارتۇرلى پلاتفورماسىن ويلاپ تاپتى.

بۇل جالعان جەلىلىك رەسۋرستار، وندا قارجى نارىعىندا اۆتوماتتى تۇردە اقشا تابۋدىڭ بەلگىلى ءبىر باعدارلاماسى جاسالعان جانە ونى ويلاپ تاپقاندار ونى ءارى قاراي ازاماتتارعا ۇسىنۋعا دايىن. مۇنداي پلاتفورمالار اقشانى ۇرى بروكەرگە بەرۋگە سەندىرۋ مىندەتىن ورىندايدى. قارجى پيراميداسى ءار ءتۇرلى بولادى، ءبىراق ولاردىڭ بارلىعىن ءبىر نارسە بىرىكتىرەدى - الاياقتار ادامداردىڭ تەز بايىپ كەتۋىنە سەنۋىنە جانە وسىنداي نيەتىنە مانيپۋلياتسيا جاسايدى. قارجى پيراميداسىنان قالاي ساقتانۋعا بولادى؟

ول ءۇشىن ولاردىڭ نەگىزگى بەلگىلەرىن ءبىلۋ قاجەت.

الداۋ ماركەرى

ءبىرىنشى كەزەكتە ءسىز ءوز اقشاڭىزدى سەنىپ تاپسىرعىڭىز كەلەتىن ۇيىمنىڭ اقشا قاراجاتىن تارتۋ قىزمەتىن جۇزەگە اسىرۋعا ليتسەنزياسى بولماعان جاعدايدا ساقتانۋىڭىز كەرەك. مۇنداي ليتسەنزيانى قازاقستاندا ق ر قارجى نارىعىن رەتتەۋ جانە دامىتۋ اگەنتتىگى بەرەدى. بۇل اقپارات جاريا جانە ونى جەڭىل تۇردە تەكسەرۋگە بولادى - ول قارجى رەتتەۋشىسىنىڭ سايتىنا ورنالاستىرىلادى. دەپوزيت تۇرىندە نە ينۆەستيتسيانى قارجى قۇرالدارىنا جۇزەگە اسىرۋ ءۇشىن اقشا تارتۋ قىزمەتى ليتسەنزيالاناتىن تۇرگە جاتادى، ولاردى ەكىنشى دەڭگەيلى بانكتەر، ۇلتتىق پوشتا وپەراتورى جانە باعالى قاعازدار نارىعىنىڭ كاسىبي قاتىسۋشىلارى (بروكەر- ديلەر جانە باسقارۋشى كومپانيالار) عانا جۇزەگە اسىرا الادى.

مول تابىستى ۋادە ەتەتىن جالعان ۇيىم - بۇل ازاماتتار نازار اۋداراتىن باستى بەلگىنىڭ ءبىرى. قولدانىستاعى زاڭناماعا سايكەس ءسىزدىڭ ينۆەستيتسيالاردىڭ كىرىستىلىگىنە ەشكىم كەپىلدىك بەرۋگە قۇقىلى ەمەس. ەگەر كەپىلدىك بەرسە - ولار الاياقتار!

باسقا سالىمشىلار بۇرىن سالعان اقشا قاراجاتى ەسەبىنەن جاڭا قاتىسۋشىلارعا اقشا تولەۋ؛

مەنشىكتى نەگىزگى قۇرالداردىڭ، باسقا قىمبات اكتيۆتەردىڭ بولماۋى؛

ۇيىم قىزمەتىنىڭ ناقتى انىقتاماسىنىڭ بولماۋى قارجى پيراميداسى بەلگىسىنىڭ ءبىرى. اقشانى قايتارۋ بويىنشا ناقتى ەرەجەلەنىڭ بولماۋى دا قاۋىپتى!.

ءسىز ءوزىڭىز سالعان قاراجاتىڭىزدى باسقارۋ جانە قاجەت بولعان جاعدايدا اقشانى الۋ مۇمكىندىگىڭىز بولۋى ءتيىس. ەگەر ءوز اقشاڭىزدى سەنىپ تاپسىرعىڭىز كەلەتىن ۇيىمدا اتالعان بەلگىنىڭ بىرنەشەۋى بولسا، ولار ءسىزدى قارجى پيراميداسىنا تارتۋعا تىرىسىپ جاتقانى تۇرعىسىنان مۇقيات ويلانۋ قاجەت. قارجى پيراميداسى ءوزىنىڭ جارناماسىن كوبىنە ۇراندارمەن ءار ءتۇرلى ونلاين توپتار قۇرا وتىرىپ، سايتتار، الەۋمەتتىك جەلى جانە تانىمال مەسسەندجەر ارقىلى ءجيى جۇزەگە اسىرادى. سوندىقتان قارجى پيراميداسى قاتىسۋشىلارىنىڭ الەۋمەتتىك جەلىدەگى جانە مەسسەندجەردەگى وڭ پىكىرىنە سەنبەڭىز، بۇل كليەنتتىڭ «قارماققا ىلۋگە» باعىتتالعان جالعان ۇران بولۋى ىقتيمال. وسىنداي پيراميدانىڭ ۇيىمداستىرۋشىلارىن، ادەتتە انىقتاۋ قيىن، ولار ۇزاق ۋاقىت بويى جاسىرىن بولىپ قالادى. بۇل اقشا اعىندارىن باقىلاۋدى ەداۋىر قيىنداتادى جانە اقشانى قايتارۋ مۇمكىن بولمايدى. ەستە ۇستاڭىزدار: رەتتەلمەيتىن ۇيىمدارعا اقشا سالعان بولساڭىز ودان تولىعىمەن ايىرىلۋ قاتەرى جوعارى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى