ميللياردتاعان اقشاعا سالىناتىن «كەرۋەن- سارايدىڭ» ۆيدەوجوباسى تانىستىرىلدى
كەشەننىڭ اۋدانى شامامەن 120 مىڭ شارشى مەتر بولادى.
بۇل كەشەن «ازىرەت سۇلتان» مادەني قورىعىنىڭ بۋفەرلىك ايماعىندا قوجا احمەت ياسساۋي كەسەنەسىنە قاراما- قارسى جەردە سالىنادى. 39 ميلليارد تەڭگەنىڭ نىسانىن بوزجىرا ءقوناقۇيىن سالۋدى جوسپارلاعان تۇركيالىق Sembol сonstruction كومپانياسى سالادى. نىسان بيىل پايدالانۋعا بەرىلۋى كەرەك ەدى، ءبىراق پاندەمياعا بايلانىستى ءبىتىرۋ مەرزىمى 2021 -جىلعا اۋىستىرىلدى.
رەداكسياعا تۇركىستاندىق ۆيزيت- ورتالىق بولاشاقتىڭ «كەرۋەن- سارايدىڭ» ەكسكليۋزيۆ ۆيدەوسى مەن ەسكيزدەرىن ۇسىندى.
جوبا تۋرالى Tengrinews.kz-كە تۇركىستان ۆيزيت-ورتالىعى ديرەكتورىنىڭ ورىنباسارى ماقسات ەسەنوۆ ايتىپ بەردى.
«بۇل ۇلكەن شىعىس بازار بولادى. «كەرۋەن- سارايدىڭ» اۋماعىندا قوناقۇيلەر، كينوتەاترلار، مەيرامحانالار بولادى، ۆەنەتسياداعىداي قايىقتار جۇزەدى. تۇرىك ينۆەستورلارى مۇندا اۋە تەاترىن سالعىسى كەلەدى. جوبا 2021 - جىلدىڭ جازىنا دەيىن اياقتالادى.
«شىعىس بازارى» كەشەنى مىسىر، ءۇندىستان، يران، ەۋروپا، تۇركىستان جانە قىتاي بازارلارىنان تۇرادى. بيىكتىگى 6 مەتر جانە زاتتاردى ساقتاۋعا ارنالعان جەرتولەسى بار ءبىر قاباتتى ۇيلەر. بازارلاردىڭ توبەسىندە جاياۋ جۇرگىنشىلەرگە ارنالعان جولدارى بار ساياباقتار جوسپارلانعان»، - دەدى ول.
ونىڭ ايتۋىنشا، بۇل اۋماقتا قولونەرشىلەر، بۇيىمدار مەن كادەسىيلار شىعاراتىن جانە ساتاتىن شەبەرحانالار ورنالاساتىن ءبىر شاقىرىمعا سوزىلاتىن تاريحي- ساۋدا كوشە بولادى.
ەسكە سالايىق، بيىل قىركۇيەكتە نۇرسۇلتان نازاربايەۆ پەن اسقار مامين قۇرىلىس بارىسىمەن تانىسقان بولاتىن.
«ءبىز تۇركىستاننىڭ جاڭا نىساندارىمەن تانىستىق. ولار قالانىڭ جاڭا كورنەكتى جەرىنە، بۇكىل قازاقستاننان جانە دۇنيە جۇزىنەن كەلگەن ازاماتتار مەن تۋريستەردى قىزىقتىراتىن ورىنعا اينالادى. تۇركىستاننىڭ اۋقىمدى قۇرىلىسى بۇكىل ايماقتىڭ ەكونوميكالىق دامۋىنا تۇرتكى بولادى»، - دەگەن ەدى قازاقستاننىڭ تۇڭعىش پرەزيدەنتى.
