كوروناۆيرۋس: يممۋنيتەتتى كوتەرۋگە ادامنىڭ كوڭىل-كۇيى قالاي اسەر ەتەدى
دارىگەردىڭ ايتۋىنشا، ىندەتتىڭ تارالۋىن ۋشىقتىرماس ءۇشىن پروفيلاكتيكالىق شارالار نازاردا بولۋى كەرە. تۇرعىندار كوبىنە دۇكەن مەن ءدارىحاناعا بارالدى.
بۇل نىسانداردا كەيدە كەزەك بولىپ جاتادى. سوندىقتان ارا قاشىقتى ساقتاۋعا ءمان بەرگەن ماڭىزدى بولىپ تۇر. ۇيدەن شىققاندا مەديتسينالىق ماسكانى تاعىپ، ارنايى قولعاپ كيىپ، قولعا انتيسەپتيك الۋ قاجەت. ۇيگە كىرگەن بويدا قولىمىزدى سابىنمەن جۋامىز. مۇنىمەن قوسا، بولمەنى كۇنىنە كەمىنە بىرنەشە رەت جەلدەتكەن ءجون، سونداي-اق ىلعالدى تازالىق شارالارىن جۇرگىزۋگە كەرەك.
«ءوز بەتىڭىزشە ەمدەلمەي، اۋەلى ەمحاناداعى ۋچاسكەلىك دارىگەرمەن نەمەسە جەدەل جاردەمگە حابارلاسىپ، سونداعى ماماندارمەن اقىلداسۋعا شاقىرامىن. باسىڭىز اۋىرىپ، قۇرعاق جوتەل، ەنتىگۋ پايدا بولسا، دەنە قىزۋى كوتەرىلىپ، ءيىس سەزۋدەن ايىرىلساڭىز، السىزدىك پەن تەرشەڭدىك سەزىنسەڭىز، بىردەن ماماندارمەن كەڭەسىپ، ەم الىڭىز»، - دەپ ءتۇسىندىردى روزا سۇلەيمەنوۆا. دارىگەردىڭ سوزىنە قاراعاندا، كوروناۆيرۋس تاقىرىبى وزەكتى بولىپ تۇرعان كەزدە يممۋنيتەتتى كوتەرۋ ماسەلەسىنە قوعام ەرەكشە نازار اۋدارىپ وتىر. وسى ورايدا ول قانداي تاعامداردى جەۋ كەرەكتىگىن ايتتى.
«ەڭ باستىسى - يممۋنيتەتتى السىرەتپەي، دۇرىس تاماقتانۋ كەرەك. يممۋنيتەتتى كوتەرۋ تاقىرىبىنا توقتالساق، اقۋىزى كوپ تاعامداردى الۋ كەرەك. ولارعا بالىق، تاۋىق، ءىرى قارا، سونىڭ ىشىندە جىلقى ەتى جاتادى. وسىلاردىڭ سورپاسىنىڭ قۇرامىندا اقۋىز كوپ. سول سەبەپتى بۇل تاعامداردى مىندەتتى تۇردە ەسكەرگەن ماڭىزدى. سونىمەن قاتار، ءتۇرلى جاڭعاقتى الۋ كەرەك. يممۋنيتەتتى كوتەرۋ ءۇشىن 30-40 پايىزىن اقۋىزدان قۇراساق، قالعان 50-60 پايىزىن كوكونىس پەن جەمىس- جيدەك ارقىلى قامتىعان دۇرىس بولادى»، - دەدى مامان.
بۇلار تابيعي ءونىم بولعاندىقتان، س ۆيتامينىنىڭ كوزى.
اتاپ ايتقاندا، سۇيىقتى كوپ ىشكەن ابزال. كۇنىنە 3-5 ليترگە دەيىن سۋ، كومپوت جانە مورس ىشۋگە بولادى. بۇدان بولەك، ادامنىڭ كوڭىل- كۇيى يممۋنيتەتتى كوتەرۋگە ەرەكشە اسەر ەتەدى. كۇيزەلىسكە تۇسپەگەن دۇرىس. ەگەر كوڭىل- كۇيىمىز جاقسى بولىپ، جىگەرلەنىپ جۇرسەك، يممۋنيتەت تە جاقسى كوتەرىلەدى.
«سارى ۋايىمعا سالىنىپ جۇرسە، يممۋنيتەت تە السىرەيدى. سوندىقتان ۇنەمى جاقسىلىقتان ءۇمىت ەتۋ كەرەك. ەشقاشان بايبالام سالماي، ۋايىمداماي، بارىنشا سابىر ساقتاعان ءجون. يممۋندىق جۇيە وسىعان تىكەلەي بايلانىستى»، - دەدى روزا سۇلەيمەنوۆا.
