مەكسيكالىق «كانەلو» گولوۆكينمەن ءۇشىنشى جەكپە-جەگىنە قاتىستى مالىمدەمە جاسادى
شولۋشىلار «كانەلو» جانە GGG تاعى مامىردا ءۇشىنشى رەت جەكپە-جەككە شىعۋى مۇمكىن ەكەنىن بولجادى. الايدا ءساۋلدىڭ باسقا جوسپارى بار بولىپ شىقتى.
«گولوۆكينگە قاتىستى جاعداي انىق: بۇل - ونىڭ ويىندا جۇرگەن جالعىز جەكپە-جەك. مۇمكىن ول كارەراسىن «كانەلوعا» قارسى جەكپە-جەكتەن كەيىن اياقتىعىسى كەلەتىن شىعار. ءبىراق ءبىزدىڭ قازىر باسقا ماقساتىمىز بار: الدىمەن سميتپەن كەزدەسۋ، سودان سوڭ، ەددي (رەينوسو) ايتقانداي، 76,2 كيلوگرامداعى تيتۋلداردى بىرىكتىرۋ جانە تاريحتى وزگەرتۋدى جالعاستىرۋ كەرەك. گولوۆكينمەن كەيىنىرەك كەزدەسەمىز»، - دەدى الۆارەس.
بۇعان دەيىن گولوۆكين مەن الۆارەس ەكى رەت كەزدەسكەن بولاتىن. 2017-جىلدىڭ قىركۇيەگىندە جەكپە-جەك تەڭ اياقتالدى، ال جىل بۇرىن تورەشىلەر جەڭىستى «كانەلوعا» بەردى.
ەسكە سالايىق، 18- جەلتوقساندا گولوۆكين جارتىلاي سالماقتا IBF تيتۋلىن قورعاۋ ءۇشىن پولشالىق كاميل شەرەماتامەن جەكپە-جەك وتكىزەدى. ال الۆارەس WBA چەمپيونى كاللۋم سميتپەن كەزدەسەدى.
