كوروناۆيرۋس وشاعى تۋرالى ەسكەرتەتىن «ساقبول» قوسىمشاسىن جۇكتەۋ قانشالىقتى ماڭىزدى

«100 مىڭ جۇكتەۋ - بۇل وتە جاقسى كورسەتكىش. ويتكەنى قوسىمشا تەك قازان ايىندا ىسكە قوسىلدى. ءبىراق، بۇل دا جەتكىلىكسىز. ول ءتيىمدى بولۋى ءۇشىن ەل تۇرعىندارىنىڭ كەم دەگەندە 60 پايىزى قوسىمشانى سمارتفوندارىنا ورناتۋى كەرەك. سوندىقتان مەن قازاقستاندىقتاردى ءوزى مەن جاقىندارىنىڭ قاۋىپسىزدىگى ءۇشىن «Saqbol» قوسىمشاسىن جۇكتەۋگە جانە پ ت ر- تەست وڭ بولعان جاعدايدا حابارلاما جىبەرۋدەن قورىقپاۋعا شاقىرامىن. حابارلامالار انونيمدى، اۋىرعانداردىڭ اتى-ءجونىن، مەكەن جايىن، بايلانىستارىن، ورنالاسقان جەرىن كورسەتۋدىڭ قاجەتى جوق»، - دەدى «ۇلتتىق اقپاراتتىق تەحنولوگيالار» ا ق- نىڭ باسقارما ءتوراعاسى اسەت تۇرىسوۆ.

ايتا كەتەيىك، Saqbol پايدالانۋشىلاردىڭ تەلەفوندارى اراسىندا Bluetooth ارقىلى شيفرلانعان دەرەكتەردى بەرۋ ارقىلى جۇمىس ىستەيدى. ەگەر ادام كوروناۆيرۋسقا پ ت ر تەستىن تاپسىرسا جانە ونىڭ ناتيجەسى وڭ شىقسا، ول سوڭعى 14 كۇن ىشىندە 2 مەتر قاشىقتىقتا 5 مينۋتتان ارتىق بايلانىستا بولعان ادامدارعا جاسىرىن تۇردە ەسكەرتۋ جاساي الادى. قوسىمشا قازان ايىنىڭ سوڭىندا ىسكە قوسىلدى.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى