كوروناۆيرۋس: كەلەسى جىلدان باستاپ قازاقستاندىقتارعا ەرىكتى تۇردە جاپپاي ۆاكسينا ەگىلمەك
بۇل تۋرالى مەملەكەت باسشىسى قاسىم-جومارت توقايەۆ پرەمەر-مينيستر اسقار ءماميندى قابىلداۋى كەزىندە ايتىلدى، دەپ حابارلايدى قازاقپارات. 2021 -جىلدان باستاپ تۇرعىندارعا ەرىكتى تۇردە جاپپاي ۆاكسينا ەگۋ جوسپارلانىپ وتىر. العاشقى كەزەڭدە تۇرعىنداردىڭ اۋرۋدى جۇقتىرۋ قاۋپى جوعارى توبى، ياعني دارىگەرلەر، پەداگوگتار، كۇشتىك قۇرىلىمداردىڭ قىزمەتكەرلەرى قامتىلادى. قاسىم- جومارت توقايەۆ اسقار مامينگە وتاندىق ۆاكسينا وندىرىسىنە قاتىستى بەرىلگەن تاپسىرمانى جەدەل ورىنداعانى ءۇشىن العىس ءبىلدىرىپ، ءدارىنىڭ تيىمدىلىگىنە باسا ءمان بەرۋدى جانە تۇرعىندارعا قول جەتىمدى بولۋىن باقىلاۋدا ۇستاۋدى تاپسىردى.
الدىن الا بولجامعا سايكەس، قازاقستاندا كوروناۆيرۋسقا قارسى ۆاكسينا 65 جاستان اسقان، جۇرەك- قان تامىرى اۋرۋى، قانت ديابەتى جانە سوزىلمالى وكپە اۋرۋلارى بار تاۋەكەل توبىنا كىرەتىن ادامدارعا جانە مەديتسينا قىزمەتكەرلەرىنە سالىناتىن بولادى. ۆاكسينا الاتىنداردىڭ بولجامدى سانى 2347000 ادامدى قۇرايدى. دەنساۋلىق ساقتاۋ مينيسترلىگى ۆاكسينالاۋ - ينفەكسيالىق اۋرۋلاردان قورعانۋدىڭ ءتيىمدى ءادىسى ەكەنىن جەتكىزدى. قازاقستاندىق عالىمدار 7 ۆاكسينا دايىنداۋ تەحنولوگياسىن جاسادى. كوروناۆيرۋسقا قارسى ۆاكسينا سالىناتىن تاۋەكەل توبىنداعى ادامدار ايقىندالدى. قازاقستاندا كوروناۆيرۋسقا قارسى ۆاكسينا باعاسى قانشا بولۋى مۇمكىن ەكەنى دە ايتىلدى.
