بەردىبەك ساپاربايەۆ: كەز كەلگەن توبەلەسكە ۇلتارالىق سيپات بەرۋدى قويۋ كەرەك
«بالالار بالا بولعاننان كەيىن ءبىر- بىرىمەن كەلىسپەي، توبەلەسىپ قالۋى مۇمكىن. قازىر وندايعا «انانىڭ ۇلتى كىم، مىنانىڭ ۇلتى كىم؟» دەپ بىردەن قارايمىن. ول بالالار بالا بولعاننان كەيىن ءبىر ساعاتتان كەيىن قايتا تاتۋلاسادى. سوندىقتان ءبىز وسىنداي كىشكەنتاي ماسەلەلەرگە ۇلتتىق قارىم- قاتىناستىڭ ماسەلەسى رەتىندە قاراماۋىمىز كەرەك. قازاق پەن دۇنگەن، تۇرىك پەن ازەربايجان توبەلەسىپ قالدى دەمەۋىمىز كەرەك»، - دەدى جامبىل وبىلىسىنىڭ اكىمى ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
سونىمەن قاتار بەردىبەك ساپاربايەۆ كونتراباندالىق قىلمىستارعا باسقا ۇلتتىڭ وكىلدەرىنىڭ قاتىسى بار دەگەن پىكىر دە دۇرىس ەمەس.
«ارينە، قىلمىس بار. قىرعىز رەسپۋبليكاسىنان كەلىپ جاتقان كونتراباندا بار. ول جەردە قۇقىق قورعاۋ ورگاندارى، قاۋىپسىزدىك دەپارتامەنتىنىڭ قىزمەتكەرلەرى تالاي ادامداردى ۇستاپ، تالاي قىلمىستىق ءىستى قوزعادى. ول جۇمىس ارى قاراي جالعاسىن تابادى. قىلمىسكەردىڭ اتى قىلمىسكەر. ونى ۇلتىنا قاراپ بولۋگە بولمايدى. ول زاڭعا سايكەس جاۋاپ بەرۋى كەرەك»، - دەپ ءتۇيدى بەردىبەك ساپاربايەۆ.
ايتا كەتسەك، بۇعان دەيىن بەردىبەك ساپاربايەۆ بۇعان دەيىن قوردايداعى وقيعادان كەيىن دۇنگەندەردىڭ كوشىپ جاتقانى تۋرالى اقپاراتتى جوققا شىعارعان بولاتىن.
اۆتور: ايان بەكەن ۇلى
