ەلوردانىڭ ونەرپاز جاستارى ءسوزىن ەلباسى جازعان پاتريوتتىق ءاندى شىرقادى
قازاق كونسەرت ارتىستەرى ەلباسىنىڭ قازاق مادەنيەتىنىڭ وركەندەۋىنە قوسقان زور ەڭبەگىن جوعارى باعالاپ، مەرەكەگە وراي وزدەرىنىڭ جىلى لەبىزىن ۇيىمنىڭ الەۋمەتتىك جەلىدەگى پاراقشاسىندا جەتكىزدى.
مەرەكەگە وراي وزدەرىنىڭ مۋزىكالىق سالەمدەمەسىن قازاق كونسەرتتىڭ «استانا سازى» مەملەكەتتىك فولكلورلىق ءانسامبلى جولداپ باستادى. انسامبل ونەر ۇجىمىنىڭ كوركەمدىك جەتەكشىسى، كومپوزيتور باۋىرجان اقتايەۆتىڭ «قايران ەلىم» تۋىندىسىن ورىندادى.
مۋزىكالىق بەينەروليكتە ەلباسىنىڭ ەكليۋزيۆتى فوتولارى كورىنىس تاپقان. ال «استانا ميۋزيكل» مەملەكەتتىك تەاترى قۇتتىقتاۋىن بارشاعا بەلگىلى «ەلىم مەنىڭ» ءانى ارقىلى جەتكىزدى.
تالانتتى جاستاردىڭ باسىن بىرىكتىرگەن تەاتر نۇرسۇلتان ءابىش ۇلىنىڭ سوزىنە جازىلعان بۇل پاتريوتتىق تۋىندىنى ناقىشىنا كەلتىرە جوعارى دەڭگەيدە ورىنداپ شىقتى. ەلوردالىق تەاتر تاريحي ۆيدەوارحيۆ ارقىلى بەيبىت كۇننىڭ جەتىستىگىن ەرەكشە كورسەتتى.
«قازاق كونسەرت» ۇيىمىنىڭ «حالىق قازىناسى» ۇلتتىق ونەر ءبولىمى ەلباسىمەن كەزدەسكەن ءساتىن ايتىپ، ەرەكشە ەستەلىگىمەن ءبولىستى.
نۇرسۇلتان ءابىش ۇلىنىڭ اق باتاسى مەن اقىل-كەڭەسى قازاق كونسەرت ارتىستەرىنە رۋحاني دەمەۋ بولىپ، ونەردەگى زور جەتىستىككە قول جەتكىزۋگە كۇش بەردى. انشىلەر ەلباسىن ۇلتتىق ونەردىڭ ناعىز جاناشىرى دەپ اتاپ، تۇڭعىش پرەزيدەنتتىڭ الدىندا ونەر كورسەتكەندەرىن زور مارتەبە سانايتىنىن جەتكىزدى.
وزدەرىنىڭ جۇرەكجاردى لەبىزدەرىن جولداعان ارتىستەر وسىلايشا جاڭا فورماتتا بارشا قازاقستاندىقتاردى مەرەكەمەن قۇتتىقتادى. مەرەكەلىك اسەم اۋەندەر جانە ەلباسىعا قاتىستى ونەگەلى ەستەلىكتەردى «قازاق كونسەرت» ۇيىمىنىڭ الەۋمەتتىك جەلىدەگى پاراقشاسىنان كورۋگە بولادى.
