الەمگە ايگىلى فۋتبولشى دۇنيەدەن ءوتتى

«ارگەنتينالىق جۇلدىز ديەگو ارماندو مارادونا 60 جاسىندا جۇرەك اۋرۋىنان قايتىس بولدى»، - دەلىنگەن سايتتا.

اقپاراتقا سايكەس، الەمدىك فۋتبول جۇلدىزىنا 3-قاراشا كۇنى وتا جاسالعان. د. مارادونا 1960 -جىلدىڭ 30- قازانىندا ارگەنتينانىڭ لانۋس قالاسىندا دۇنيەگە كەلدى. فۋتبولداعى مانسابىن 1976 -جىلى ءوز ەلىنىڭ «ارحەنتينوس حۋنيورس» كومانداسىندا باستادى. ودان كەيىن سول ەلدەگى «بوكا حۋنيورس» كلۋبىندا دوپ تەپتى. 1982-1984 -جىلداردا ەۋروپادا «بارسەلونا»، 1984-1991 -جىلداردا «ناپولي»، 1992-1993 -جىلداردا «سيەۆيليا» كلۋبتارىنىڭ نامىسىن قورعادى. ال 1993-1997 -جىلداردا ارگەنتينانىڭ «نيۋەللس ولد بويز»، «بوكا حۋنيورس» كوماندالارىندا دوپ تەپتى.

1994 -جىلدان باستاپ باپكەرلىك قىزمەتكە بەت بۇردى. الدىمەن ءوز ەلىندەگى «تەكستيل مانديۋ» كومانداسىن جاتتىقتىرعان ول، 1995 -جىلى «راسينگ» كومانداسىنىڭ تىزگىنىن ۇستادى. 2008-2010 -جىلداردا ارگەنتينا قۇراماسىنا جەتەكشىلىك جاسادى. ال 2011-2012 -جىلداردا بىرىككەن اراب امىرلىگىنىڭ «ال- ۆاسل»، 2017-2018 -جىلداردا «ال- فۋدجايرا» كوماندالارىندا باس باپكەر بولدى. سونداي- اق، 2018-2019 -جىلداردا مەكسيكانىڭ «دورادوس» كلۋبىن جاتتىقتىرسا، 2019 -جىلدان بەرى ارگەنتينانىڭ «حيمناسيا- ەسگريما» كلۋبىنىڭ تىزگىنىن ۇستادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى