الماتى سيركىنىڭ تۇيەلەرى زەينەتكە شىقتى
الدى 15 جاسقا كەلگەن ويسىلقارا تولدەرىن جاڭا قويىلىمعا ۇيرەتۋ قيىن دەيدى تسيرك باسشىلىعى. سوندىقتان مەملەكەتتىك مۇلىك رەتىندە راسىمدەلگەن جانۋارلار، كوركەمدىك كەڭەستىڭ شەشىمىمەن اۋكسيونعا ساتۋعا قويىلعان. جاسى كەلگەن جانۋارلاردى ەسەپتەن شىعارىپ، جاڭاسىن الۋ، ولاردى ۇيرەتىپ، جاڭا قويىلىم جاساۋ تسيركتىڭ قالىپتى تىرشىلىگى دەيدى مۇنداعىلار.
شىعارماشىلىق توپ الداعى ۋاقىتتا ەكى وركەشتى تۇيە الىپ، كورەرمەندەرگە جاڭا قويىلىم ازىرلەمەك. الماتى سيركىندە 37 جانۋار بار. ولاردىڭ ىشىندەگى ەڭ ءىرىسى - تۇيەلەر.
باقىت بوكەبايەۆ، قازاق مەملەكەتتىك سيركىنىڭ ديرەكتورى:
- ولار بوتا كەزىندە ويناقتاپ، ۇيرەتۋگە جاقسى كونەدى. وسە كەلە باسقا مىنەز بولادى، كونبەيدى. ۋاقىتى كەلگەننەن كەيىن كوركەمدىك كەڭەستىڭ شەشىمىمەن ساتۋعا قويدىق. قازىر الماتى قالاسىنىڭ كىرىستەر باسقارماسىنىڭ ءبىزدىڭ مادەنيەت باسقارماسىنىڭ كەلىسىمەن سولاي شەشىلىپ، بۇلار ەندى قازىر اۋكتسيون ارقىلى ساتىلۋدا تۇر.
