«كەلشى، قۇشاقتايىنشى» - اتامبايەۆ سوتتا ايەلىمەن كورىستى

سۋديا ميرلان تەرمەشيكوۆ ب ا ق وكىلدەرىنە العاش رەت سوت وتىرىسىن ۆيدەوعا تۇسىرۋگە رۇقسات بەرگەن، - دەپ حابارلايدى Akipress.

سوت پروتسەسى اشىق رەجيمدە وتكەنى ايتىلادى. اتامبايەۆتى قول شاپالاقتاپ قارسى العان ەكەن.

سوتقا كەلگەندەردىڭ قاتارىندا ەكس-پرەزيدەنتتىڭ جۇبايى رايسا اتامبايەۆا دا بولدى. ول كۇيەۋىمەن ءۇزىلىس كەزىندە امانداسىپ ۇلگەرگەن.

«كەلشى، سەنى قۇشاقتايىنشى»، - دەگەن اتامبايەۆتىڭ جۇبايى.

ەسكە سالايىق، مۇنىڭ الدىندا اتامبايەۆ ءوزىن قاماۋدا قالدىرۋدى سۇراعان بولاتىن.

ەسكە سالايىق، 6- قازاندا قىرعىزستاننىڭ استاناسىندا ميتينگىگە شىققاندار ەكس-پرەزيدەنت المازبەك اتامبايەۆتى ۇلتتىق قاۋىپسىزدىك مەملەكەتتىك كوميتەتىنىڭ تەرگەۋ يزولياتورىنان بوساتقان بولاتىن. مۇنىڭ الدىندا اتامبايەۆتىڭ 11 جىلعا سوتتالعانى حابارلانعان ەدى.

ر ي ا نوۆوستي مالىمەتىنشە، 2006-جىلى بىشكەك ماڭىنداعى كولونيالاردىڭ بىرىندە جاپپاي تارتىپسىزدىكتەردى ۇيىمداستىرعانى ءۇشىن باتۋكايەۆ 16 جىل 8 ايعا باس بوستاندىعىنان ايىرىلعان. بۇلىك كەزىندە دەپۋتات تىنىعبەك اقماتبايەۆ، جازانى اتقارۋ باس باسقارماسىنىڭ باستىعى يكماتۋللا پولوتوۆ جانە پارلامەنتتىڭ ەكى قىزمەتكەرى قازا تاپقان.

2013-جىلى باتۋكايەۆ تۇرمەدەن بوساتىلادى. بىرنەشە ساعاتتان كەيىن ول جاڭا پاسپورت الىپ، ەلدەن كەتەدى. تەرگەۋ مالىمەتى بويىنشا، ونى بوساتۋعا جوعارى لاۋازىمدى شەنەۋنىكتەر، ونىڭ ىشىندە ەلدىڭ ەكس-پرەزيدەنتى اتامبايەۆ تا قاتىستى. ولارعا «ۇيىمداسقان قىلمىستىق توپتىڭ مۇددەسى ءۇشىن سىبايلاس جەمقورلىقتى ۇيىمداستىردى» دەگەن ايىپ تاعىلدى.

tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى