ساعىنتايەۆ كاسىپكەرلەردى كارانتين شارالارىن ساقتاۋعا شاقىردى

تىكەلەي ەفير بارىسىندا باقىتجان ساعىنتايەۆ قالاداعى 32 مونيتورينگ توبى بەلگىلەنگەن شەكتەۋدىڭ ساقتالۋىن قاداعالايتىنىن ەسكە سالدى.

8- قازان مەن 17- قاراشا ارالىعىندا 444 رەيد جۇرگىزىلىپ، 3,6 مىڭعا جۋىق نىسان تەكسەرىلدى.

تەكسەرۋ بارىسىندا 828 نىساندا (%22,5) تالاپتى ساقتاماۋ انىقتالدى، 90 زاڭدى تۇلعاعا 28,7 ميلليون تەڭگە كولەمىندە 453 اكىمشىلىك ايىپپۇل سالىندى. ماسكا رەجيمىن بۇزعان جەكە تۇلعالارعا 15,5 ميلليون تەڭگەگە ايىپپۇل سالىنىپ، 374 اكىمشىلىك حاتتاما تولتىرىلدى.

«الدا كۇردەلى كەزەڭ تۇر، اۋرۋ ءورشي تۇسەتىن بولادى. ۆاكتسينا پايدا بولعانشا ءبىز سانيتارلىق- ەپيدەميولوگيالىق قاۋىپسىزدىك شارالارىن قاتاڭ ساقتاۋعا ءتيىسپىز»، — دەپ اتاپ ءوتتى باقىتجان ساعىنتايەۆ.

مەگاپوليس اكىمى ويىن ساۋىق جانە قوعامدىق تاماقتاندىرۋ سالاسىندا جۇمىس ىستەيتىن شاعىن جانە ورتا بيزنەس وكىلدەرىن وسىناۋ كۇردەلى كەزەڭدە ىنتىماقتاستىق تانىتۋعا ءبىر قادام جاساۋعا شاقىردى.

«ەگەر ءبىز ءبىر-بىرىمىزگە كومەكتەسپەسەك، كەمشىلىك جالعاسادى، ياعني كوروناۆيرۋس ينفەكتسياسىن جۇقتىرعاندار سانى ارتادى. سوندىقتان كاسىپكەرلەر كارانتينگە قاتىستى بەلگىلەنگەن جۇمىس كەستەسىن ساقتاۋ قاجەت»، — دەپ اتاپ ءوتتى ب. ساعىنتايەۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى