ۇلتتار ليگاسى: قازاقستان ليتۆادان جەڭىلىپ قالدى

بۇگىنگى كەزدەسۋ قوس قۇراما ءۇشىن دە ماڭىزى زور بولدى. جەڭگەنى ءوز توبىندا ءۇشىنشى ورىنعا تۇراقتاپ، الداعى ۋاقىتتا C ليگاسىندا ويناۋ مۇمكىندىگىن ساقتاپ قالاتىن ەدى. جەڭىلگەنى ءدۇبىرلى دودانىڭ كەلەسى جارىسىندا D ليگاسىنا تومەندەيتىن قوس قۇرامانىڭ قاتارىنا قوسىلۋى مۇمكىن.

ايتا كەتەلىك، C ليگاسىندا ءوز توبىندا ءتورتىنشى ورىندى مىسە تۇتقان ءتورت قۇراما جەرەبە ارقىلى ەكى جۇپ قۇرايدى. بۇل جۇپتاردا جەڭىلگەنى تومەنگى ليگاعا ءتۇسىپ قالادى. ويىن قازاقستاندىقتار ءۇشىن ءساتتى باستالعان ەدى.

كەزدەسۋدىڭ 38-مينۋتىندا قازاقستاندىق شابۋىلشى ابات ايىمبەتوۆ ەسەپ اشتى. ال 40-مينۋتتا وعان ليتۆالىق مودەستاس ۆوروبەۆاس ءبىر گولمەن جاۋاپ قايىردى. ەسەپ 1:1.

ءبىرىنشى كەزەڭ وسى ەسەپپەن اياقتالدى. ەكىنشى كەزەڭدە الاڭ يەلەرى تاعى دا گول سوعۋعا ۇمتىلدى. دەگەنمەن كوزدەگەن ماقساتىنا جەتە العان جوق.

ەسەسىنە 94-مينۋتتا ليتۆالىق ارۆيداس نوۆيكوۆاس قورىتىندى ەسەپتى بەلگىلەدى. قازاقستان قۇراماسى قارسىلاسىنان 1:2 ەسەبىمەن جەڭىلىپ قالدى.

ەستەرىڭىزگە سالا كەتەلىك، ەكى قۇراما C ليگاسى ءتورتىنشى توبىندا سىنعا تۇسەدى. ولاردان وزگە البانيا جانە بەلارۋس قۇرامالارى بار. سوڭعى ەكى قۇراما دا ءدال قازىر ويىن وتكىزىپ، البانيالىق فۋتبولشىلار 3:2 ەسەبىمەن جەڭىسكە جەتتى.

قورىتىندى تۋرنير كەستەسىندە 11 ۇپايمەن كوش باستاپ، الداعى ۋاقىتتا B ليگاسىندا باق سىناۋعا جولداما الدى. ودان كەيىنگى ورىندارداعى بەلارۋستىڭ 10، ليتۆانىڭ 8 ۇپايى بار. سوڭعى ورىنداعى قازاقستان ەنشىسىندە 4 ۇپاي جازىلعان.

C ليگاسىندا بيىل كيپر، ەستونيا، مولدوۆا قۇرامالارى دا ءتورتىنشى ورىن الدى. بۇدان بۇرىن قازاقستان قۇراماسى البانيادان 1:3 ەسەبىمەن جەڭىلىپ قالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى