قاشىقتان وقىتۋ ماسەلەلەرىن رەتتەۋگە باعىتتالعان زاڭ جوباسى سەناتقا جولداندى
زاڭ جوباسى 2020 -جىلدىڭ 30-قىركۇيەگىندە پارلامەنت ءماجىلىسىنىڭ جالپى وتىرىسىندا ءبىرىنشى وقىلىمدا ماقۇلدانعان. الەۋمەتتىك- مادەني دامۋ كوميتەتىنىڭ مۇشەسى ءابدىماناپ بەكتۇرعانوۆتىڭ ايتۋىنشا زاڭ جوباسىنىڭ ماقساتى - ءبىلىم بەرۋ پروتسەسىن ودان ءارى جەتىلدىرۋ. زاڭ جوباسىمەن جۇمىس ىستەۋ بارىسىندا دەپۋتاتتار قاشىقتان وقىتۋ ماسەلەلەرىن رەتتەۋگە، جەرگىلىكتى بيۋدجەتتەردە بەكىتىلگەن قاراجات كولەمى شەگىندە بالالارعا قوسىمشا ءبىلىم بەرۋگە مەملەكەتتىك ءبىلىم بەرۋ تاپسىرىسىن ورنالاستىرۋعا، ءبىلىم بەرۋ ۇيىمدارىندا جانە ولاردىڭ اۋماقتارىندا اكەلۋگە تىيىم سالىنعان نەمەسە پايدالانىلۋى شەكتەلگەن زاتتاردىڭ تىزبەسىن بەكىتۋ بويىنشا ۋاكىلەتتى ورگاننىڭ قۇزىرەتىن ايقىنداۋ كوزدەلىپ وتىر. ودان بولەك زاڭ جوباسىنىڭ كومەگىمەن وقۋلىقت پەن وقۋ- ادىستەمەلىك كەشەندەردىڭ ساپاسىن ارتتىرۋعا باعىتتالعان تۇزەتۋ ەنگىزىلگەن.
«وقۋلىقتاردىڭ، وقۋ- ادىستەمەلىك كەشەندەردىڭ قۇرىلىمى مەن مازمۇنىنا قويىلاتىن تالاپتاردى بەلگىلەۋ، مەكتەپكە دەيىنگى تاربيە مەن وقىتۋدىڭ، باستاۋىش، نەگىزگى ورتا، جالپى ورتا ءبىلىم بەرۋدىڭ ۇلگىلىك وقۋ جوسپارلارىنا، ۇلگىلىك وقۋ باعدارلامالارىنا ساراپتاما جۇرگىزۋ جانە ولاردى سىناقتان وتكىزۋ ۇسىنىلادى. شەتەلدىك ءبىلىمدى جانە بىلىكتىلىكتى شەتەلدىك ديپلومنىڭ بالامالىلىعىن انىقتاماي- اق تانۋعا مۇمكىندىك بەرەتىن «ءبىلىم تۋرالى قۇجاتتاردى نوستريفيكاتسيالاۋ» ءراسىمىن «ءبىلىم تۋرالى قۇجاتتاردى تانۋعا» اۋىستىرۋ كوزدەلۋدە»، - دەدى ول.
زاڭىنىڭ جوباسىن ەكىنشى وقىلىمدا ماقۇلدانىپ، سەنات قاراۋىنا جىبەرىلدى.
