اسەت يسەكەشيەۆ ت م د الاڭىنداعى وتىرىستا وڭىرلىك قاۋىپسىزدىك ماسەلەسىن كوتەردى
قازاقپارات بۇل تۋرالى اقورداعا سىلتەمە جاساپ حابارلايدى. شاراعا رەسەي قاۋىپسىزدىك كەڭەسىنىڭ حاتشىسى ن. پاترۋشيەۆ، ازەربايجان قاۋىپسىزدىك كەڭەسىنىڭ حاتشىسى ر. ۋسۋبوۆ، ارمەنيا قاۋىپسىزدىك كەڭەسىنىڭ حاتشىسى ا. گريگوريان، قىرعىزستان قاۋىپسىزدىك كەڭەسىنىڭ حاتشىسى ر. مۋسايەۆ، تاجىكستان قاۋىپسىزدىك كەڭەسىنىڭ حاتشىسى ن. ماحمۋدزودا، وزبەكستان رەسپۋبليكاسى پرەزيدەنتى جانىنداعى قاۋىپسىزدىك كەڭەسىنىڭ حاتشىسى ۆ. ماحمۋدوۆ، تۇرىكمەنستان مەملەكەتتىك قاۋىپسىزدىك كەڭەسىنىڭ حاتشىسى چ. امانوۆ، بەلارۋس قاۋىپسىزدىك كەڭەسى مەملەكەتتىك حاتشىسىنىڭ ورىنباسارى ۆ. ارچاكوۆ، اتقارۋ كوميتەتىنىڭ ءتوراعاسى – ت م د اتقارۋشى حاتشىسى س. لەبەديەۆ، ۇ ق ش ۇ باس حاتشىسى س. زاس قاتىستى.
فورۋم بارىسىندا ت م د ەلدەرىندەگى بۇگىنگى سىن- قاتەرلەر جاعدايىنداعى ىنتىماقتاستىق ماسەلەلەرىنىڭ كەڭ سپەكترى قارالدى. سونىڭ ىشىندە كوروناۆيرۋس ىندەتىنىڭ تارالۋىنا قارسى كۇرەس پەن جاڭا بيولوگيالىق قاۋىپتەرگە قارسى ءىس- قيمىل كەزىندەگى مەملەكەتارالىق شارالار، اقپاراتتىق كەڭىستىكتى قورعاۋ سالاسىنداعى ىنتىماقتاستىق، توتەنشە جاعدايلاردىڭ سالدارىن ەڭسەرۋ جونىندەگى ءوزارا ءىس- قيمىل، اۋعانستانداعى قازىرگى احۋال جانە باسقا دا ماسەلەلەر تالقىلاندى.
اسەت يسەكەشيەۆ ءوز سوزىندە وڭىرلىك قاۋىپسىزدىكتىڭ ەڭ وزەكتى اسپەكتىلەرىنە، ت م د ەلدەرىندەگى تاۋەكەلدەر مەن قاۋىپتەردى ازايتۋ ماسەلەسى ءمان بەردى. اتاپ ايتقاندا، كوروناۆيرۋس ىندەتىنىڭ تارالۋىنا قارسى كۇرەس، سۋ- ەكولوگيالىق جانە ازىق- تۇلىك قاۋىپسىزدىگى، كيبەرقاۋىپسىزدىكتى قامتاماسىز ەتۋ، ەسىرتكىنىڭ زاڭسىز اينالىمى، تەرروريزم مەن ەكسترەميزمگە قارسى كۇرەس باعىتتارىندا بىرلەسكەن جۇمىستاردىڭ قاجەت ەكەنىنە نازار اۋداردى.
