سولتۇستىك قازاقستاندا كوروناۆيرۋسپەن اۋىرعان ءاربىر ونىنشىسى ناۋقاس جانساقتاۋ بولىمىنە تۇسەدى
قوسىمشا دەرتتەرى بار بۇل ناۋقاستاردىڭ شامامەن ءار ونىنشىسى جانساقتاۋ بولىمىنەن وتەدى، دەپ حابارلايدى قازاقپارات ءتىلشىسى.
پەتروپاۆل قالالىق كوپسالالى اۋرۋحانانىڭ باس دارىگەرى جاننا ماۋىتوۆانىڭ ايتۋىنشا، «ءوزىڭىزدى كۇتىڭىز، جاقىنىڭىزعا جاناشىر بولىڭىز!» دەپ بەكەردەن ايتىلماعان. اۋرۋحانا جانىنان اشىلعان ينفەكسيالىق ستاتسيوناردا ەم الىپ جاتقان اۋىر حالدەگى ناۋقاستاردىڭ ورتاشا جاسى - 60-65 ارالىعىندا. بۇل ادامداردىڭ قوسىمشا ءتۇرلى دەرتتەرى بار. قانت ديابەتى، ارتەريالىق گيپەرتەنزيا، جۇرەك اۋرۋلارى - مۇنىڭ ءبارى كوروناۆيرۋس جۇققان كەزدە اسقىنىپ كەتەدى.
«كوروناۆيرۋس ينفەكسياسى ءالى كۇنگە تولىق زەرتتەلىپ بولعان جوق. بۇل اۋرۋمەن كۇرەسكە ءبىز ارينە شىلدە ايىمەن سالىستىرعاندا، ءقازىر ايتارلىقتاي دايىنبىز. تاجىريبە جينادىق. بۇكىلالەمدىك دەنساۋلىق ساقتاۋ ۇيىمىنىڭ ادىستەمەلىك ۇسىنىستارىن، ەلىمىزدە ازىرلەنگەن ەمدەۋ پروتوكولدارىن نازاردا ۇستاپ وتىرامىز. ءبىز قازىر بۇل اۋرۋمەن كۇرەسكە دايىنبىز»، - دەيدى جاننا ماۋىتوۆا.
پەتروپاۆل قالالىق كوپسالالى اۋرۋحانا جانىنان ماۋسىم ايىندا ينفەكسيالىق ءبولىم اشىلدى. ول باستاپقىدا پروۆيزورلىق ستاتسيونار قىزمەتىن اتقاردى.
«ك ۆ ي- مەن بايلانىستى قازىرگى جاعدايدا 15 قىركۇيەكتەن باستاپ 100 ورىنعا شاقتالعان ءبىزدىڭ ءبولىم ينفەكسيالىق ستاتسيونارعا اۋىستىرىلدى. ول كوروناۆيرۋس جۇقتىرعان جانە ءقاۋىپتى ينفەكسيا جۇقتىرۋ كۇدىگى بار سىرقاتتاردى قابىلدايدى. جانساقتاۋ، قارقىندى ەمدەۋ پالاتالارى دا اشىلعان. جالپى ستاتسيونار اشىلعالى 1 مىڭنان استام ادام ەم الدى. ولاردىڭ %9,5 جانساقتاۋ بولىمىنەن ءوتتى»، - دەيدى اۋرۋحانانىڭ باس دارىگەرى.
ماماننىڭ ايتۋىنشا، ازىرگە ينفەكسيالىق ستاتسيوناردا جۇمىس قالىپتى. سىرقاتتاردىڭ كۇرت ءوسۋى بايقالماعان.
«باستاپقىدا حالىقتىڭ بۇل اۋرۋ جايىندا تۇسىنىگى از بولدى، ءتىپتى كەيبىرەۋلەرى سەنبەدى دە. سول سەبەپتى ويىن- تويلار، ءتۇرلى جيىندار ەسكەرتۋلەرگە قاراماستان ۇيىمداستىرىلىپ كەلدى. قازىر مۇنداي جاعداي اناعۇرلىم ازايدى. جالپى ينفەكسيا دەگەنىمىز - اۋرۋدىڭ ءبىر ادامنان بىرنەشە ادامعا جۇعۋى. ەگەر دە ءبىز بۇل تىزبەكتى توقتاتا الساق، ءارى قاراي تارالۋىنا جول بەرمەسەك، اۋرۋمەن كۇرەس ناتيجەلى بولادى»، - دەيدى پەتروپاۆل قالالىق كوپسالالى اۋرۋحانانىڭ باس دارىگەرى جاننا ماۋىتوۆا.
