الماتىدا بەلگىسىز بىرەۋلەر كافەگە شابۋىل جاسادى
بۇزاقىلاردى پوليتسيا ۇستاپ اكەتتى، دەپ حابارلايدى قازاقپارات ءتىلشىسى.
بۇل تۋرالى اقپارات Instagram-دا پايدا بولدى. وقيعا اباي داڭعىلى مەن دوستىق كوشەسىنىڭ قيىلىسىندا ورنالاسقان كافەدە بولعان.
«ءبىز جاتتىعۋدان كەيىن بالالارمەن بىرگە ءدامحاناعا كىردىك. ارادا 20 مينۋت وتكەن سوڭ كافەگە قولىندا پىشاعى بار ماس ەر ادام جۇگىرىپ كىرىپ، ايعايلاي باستادى. كافە قىزمەتكەرلەرى ونى سابىرعا شاقىردى. كەيىن ونىڭ ارتىنان تاعى 5-6 ادامنىڭ قۋىپ كەلە جاتقانىن كورگەن قىزمەتكەرلەر كافەنىڭ ەسىگىن ىشىنەن كىلتەپ الدى. ال بۇزاقىلار ەسىكتىڭ ارعى جاعىنان «گاز قۇتىسىن» قولداندى. ىشىندەگى ادامدار جوتەلە باستادى. مەنىڭ بالالارىم وزدەرىن ءجايسىز سىزىنە باستادى»، - دەپ جازدى اۆتور.
قالالىق پوليتسيا دەپارتامەنتىنىڭ باسپا ءسوز قىزمەتى بۇل فاكت قازىرگى ۋاقىتتا وندىرىستە ەكەنىن ءمالىم ەتتى.
«102» نومىرىنە قوڭىراۋ تۇسە سالىسىمەن پوليتسيا ەكيپاجى بىردەن وقيعا ورنىنا اتتاندى. بۇزاقىلار ۇستالدى. ولارعا قاتىستى اكىمشىلىك كودەكستىڭ 434-بابى (ۇساق بۇزاقىلىق) بويىنشا اكىمشىلىك ماتەريال تولتىرىلدى. شەشىم قابىلداۋ ءۇشىن وندىرىستىك ماتەريالدار سوتقا جىبەرىلەدى»، - دەدى مەدەۋ اۋداندىق پوليتسيا باسقارماسىنىڭ باستىعى داۋرەن وتەبايەۆ.
