قازاقستاندىق سپورتشى اۋىر اتلەتيكادان الەم كۋبوگىندا «التىن» الدى

ونى پەرۋ ەلىنىڭ اۋىر اتلەتيكا فەدەراتسياسى ۇيىمداستىرعان. قازاقستاندىق سپورتشى راحات بەكبولات جاستار اراسىندا 102 كەلىگە دەيىنگى سالماق دارەجەسىندە ءبىرىنشى ورىنعا يە بولدى، دەپ حابارلايدى قازاقپارات ۇلتتىق وليمپيادا كوميتەتىنىڭ سايتىنا سىلتەمە جاساپ.

جاس اۋىر اتلەتتەر حالىقارالىق ستاندارتتاعى ەكىنشى التىن مەدالدى جەڭىپ الدى. جارىستىڭ كەزەكتى كۇنى جاستار اراسىندا 102 كەلىگە دەيىنگى سالماقتاعى جارىسى ءوتتى.

قازاقستاننىڭ اتىنان بۇل كاتەگوريادا راحات بەكبولات شىقتى. جارىس قورىتىندىسى بويىنشا، قازاقستاندىق سپورتشى قوسسايىستا 319 كەلى (140 جانە 179 كەلى) ناتيجەسىن كورسەتىپ، ءبىرىنشى ورىنعا يە بولدى.

اتاپ وتسەك، جارىستىڭ ءبىرىنشى كۇنىندە كوماندا اكتيۆىنە العاشقى التىن مەدالدى ابىلاي اۋەلحانوۆ اكەلگەن. كۋبوكتىڭ قولا جۇلدەسىن سپورتشى گۇلنۇر ىبىراي جەڭىپ العان. سونداي-اق، جارىستىڭ ءۇش كۇندىك قورىتىندىلارى بويىنشا ازامات تولەگەن مەن مەيرامبەك ءابىحالىق قورىتىندى حاتتامانىڭ ءتورتىنشى ساتىسىنا كوتەرىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى