قىزىلوردالىق جاستار تۋعان جەردى تانۋعا ارنالعان جوبالاردى قولعا الدى
بۇل جوبالار تۇڭعىش پرەزيدەنت - ەلباسى نۇرسۇلتان نازاربايەۆتىڭ «بولاشاققا باعدار: رۋحاني جاڭعىرۋ» باعدارلاماسى اياسىندا قولعا الىنىپ وتىر. «Jas Otan» جاستار قاناتى قىزىلوردا وبلىستىق فيليالىنىڭ ءتوراعاسى الىشەر قارداشوۆ جاستاردىڭ تۋعان جەر تاريحىن بىلۋگە قىزىعۋشىلىعى زور ەكەنىن اتاپ ءوتتى. سوندىقتان «Jas Otan» جاستار قاناتى وبلىستىق جاستار رەسۋرستىق ورتالىعىمەن بىرلەسە وتىرىپ ارنايى جوبانى قولعا العان.
«سىر وڭىرىندە قازاق تاريحىندا ايرىقشا ورىن الاتىن تاريحي ورىندار سانى ەمەس. قاسيەتتى توپىراقتا حالقىمىزدىڭ قادىم زاماننان بەرگى سان الۋان قۇپياسى سىر بۇگىپ جاتىر. وسىعان بايلانىستى جاستاردى تۋعان جەر تاريحىن تانۋعا باعىتتالعان يگى ىستەرگە بىرگە اتقارۋعا شاقىردىق. وسى باعىتتا جاڭاقورعان اۋدانى اۋماعىنداعى سىعاناق، ساۋران قالالارىمەن تانىسىپ قايتتىق. قازاق تاريحىندا سىعاناق قالاسىنىڭ الاتىن ورنى ەرەكشە. ول - كەزىندە قىپشاق دالاسىنىڭ ايلاعى اتانعان كيەلى مەكەن. ودان كەيىنگى كەزەكتە اق وردانىڭ باس قالاسى اتاندى»، - دەيدى ول.
بيىل الەمدى جايلاعان پاندەميا سالدارىنان ءبىرقاتار جوبالار كەشەۋىلدەپ قالعان. دەسە دە، الداعى ۋاقىتتا رۋحاني جاڭعىرۋ باعىتىنداعى ماڭىزدى جوبالار جالعاسىن تابادى.
«ەندىگى كەزەكتە تاريحي قالالارمەن تانىسۋ جوباسىن قازالى جانە ارال اۋداندارىندا جالعاستىرۋعا ءمان بەرەمىز. ماسەلەن، قازالى اۋدانىندا وعىز استاناسى بولعان جانكەنت شاھارى جاتىر. ارال اۋدانىنداعى ارال تەڭىزى اۋماعىندا دا قانشاما جادىگەرلەر بار. بۇل جوبالار وبلىستىق جاستار رەسۋرستىق ورتالىعىمەن بىرگە جۇزەگە اسىرىلادى»، - دەيدى ءا. قارداشوۆ.
