ەلىمىزدە وقۋ جىلى باستالعالى كوروناۆيرۋس جۇقتىرعان مۇعالىمدەر سانى انىقتالدى

بۇل تۋرالى ورتالىق كوممۋنيكاتسيالار قىزمەتىندە وتكەن بريفينگتە ق ر د س م سانيتارلىق- ەپيدەميولوگيالىق باقىلاۋ كوميتەتىنىڭ ءتورايىمى ايجان ەسماعامبەتوۆا ايتتى، دەپ حابارلايدى قازاقپارات ءتىلشىسى.

«وقۋ جىلى باستالعالى رەسپۋبليكا بويىنشا مەكتەپتە قىزمەت ەتەتىندەر اراسىندا كوروناۆيرۋس جۇقتىرۋدىڭ 241 جاعدايى تىركەلدى. بۇل - ەلىمىزدىڭ 17 وڭىرىندەگى مۇعالىمدەر. ءار جاعداي قانداي ماماندىق بويىنشا جۇمىس ىستەيتىنىنە قاراماستان تەكسەرىلەدى. ناۋقاسپەن بايلانىستا بولعاندار انىقتالىپ، ءتيىستى شارالار قولدانىلادى»، - دەيدى ايجان ەسماعامبەتوۆا.

بۇعان دەيىن جازعانىمىزداي، قازىرگى ۋاقىتتا 456 وقۋشى كوروناۆيرۋستان ەمدەلىپ جاتىر. 1-قىركۇيەك پەن 16-قاراشا ارالىعىندا كەزەكشى سىنىپ وقۋشىلارى اراسىندا كوروناۆيرۋسقا شالدىعۋدىڭ 302 جاعدايى تىركەلدى. سونداي-اق، ۆيرۋستىق پنيەۆمونياعا قاتىستى 1 جاعداي انىقتالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى