قارجى ءمينيسترى تاۋارلاردى تاڭبالاۋ مەملەكەت، حالىق پەن بيزنەسكە نە بەرەتىنىن ءتۇسىندىردى
«تاۋارلاردى سيفرلىق تاڭبالاۋ كەلەسى ماقساتتارعا قول جەتكىزۋگە باعىتتالعان: مەملەكەت ءۇشىن تاۋارلاردىڭ زاڭسىز اينالىمىن قىسقارتۋ، بيۋدجەتكە سالىق تۇسىمدەرىنىڭ ءتۇسۋىن ۇلعايتۋ، مەملەكەتتىك باقىلاۋ ساپاسىن ارتتىرۋعا مۇمكىندىك بەرەدى. حالىق ءۇشىن قوعامدىق باقىلاۋدىڭ تيىمدىلىگى، تۇتىنۋشىلاردىڭ قۇقىقتارىن قورعاۋ، ازاماتتاردىڭ ءومىرى مەن دەنساۋلىعىن قورعاۋعا جول اشادى. بيزنەس ءۇشىن، اتاپ ايتقاندا ادال سالىق تولەۋشىلەر ءۇشىن بيزنەس جۇرگىزۋدىڭ باسەكەلەستىك جاعدايلارىن ارتتىرۋعا كومەكتەسەدى»، - دەدى ەرۇلان جاماۋبايەۆ ۇكىمەت وتىرىسىندا.
قارجى ءمينيسترى بۇعان دەيىن ايتىلعانىنداي، تەمەكى ونىمدەرىن تاڭبالاۋ بويىنشا پيلوتتىق جوبا جۇرگىزىلگەنىن اتاپ ءوتتى.
«پيلوتتىق جوبا شەڭبەرىندە ساتىلعان تەمەكى بۇيىمدارىن اينالىمنان شىعارا وتىرىپ، تۇپكىلىكتى تۇتىنۋشىعا ساتىلعانعا دەيىن ءوندىرۋدى/يمپورتتى قوسا العاندا، تەمەكى ونىمدەرىن تاڭبالاۋدىڭ بارلىق تسيكلى پىسىقتالدى قاجەتتى نورماتيۆتىك قۇقىقتىق اكتىلەر قابىلداندى.
«تاڭبالاۋعا جاتاتىن تاۋارلاردىڭ تىزبەسىن ايقىنداۋ تۋرالى» ۇكىمەت قاۋلىسىنا سايكەس، 2020 -جىلعى 1-قازاننان باستاپ قۇرامىندا تەمەكى بار فيلترلى سيگارەتتەر جانە 2021 -جىلعى 1 -ساۋىردەن باستاپ ستيكتەر، سيگارالار، سيگاريلدەر، قىزدىرىلاتىن تەمەكى سياقتى تەمەكى ونىمدەرىنىڭ وزگە دە تۇرلەرى مىندەتتى تۇردە تاڭبالاۋعا جاتادى»، - دەدى ول.
اۆتور: ايان بەكەن ۇلى
