قىستا الىسقا ساپارلايتىن جۇرگىزۋشىلەردىڭ قانداي قۇرال-جابدىقتارى بولۋى ءتيىس
«قىستىگۇنى جىلدامدىق رەجيمىن ساقتاۋ كەرەك. ويتكەنى تەجەگىشتى باسقان كەزدە كولىك سىرعۋى مۇمكىن. جىلدامدىقتى دۇرىس تاڭداماي، ودان سوڭ كەنەت تەجەگىش باسىلسا، كولىك تىزگىنگە كونبەي، مۇنىڭ سوڭى جول- كولىك وقيعاسىنا اپارىپ سوقتىرۋى ىقتيمال. ودان بولەك، وڭعا نەمەسە سولعا قاۋىپسىز بۇرىلۋ ءۇشىن اۆتوكولىكتەر اراسىنداعى قاشىقتىقتى جانە ەكىجاقتى ارالىقتى ساقتاۋ كەرەك»، - دەدى ءى ءى م-نىڭ باسپا ءسوز ءماسليحاتىندا سەرىك ءتۇسىپوۆ.
كولىك قوزعالىسىنا اسەر ەتەتىن تاعى ءبىر جاعداي - جولدىڭ «مۇزدى ارىققا» اينالىپ شىعا كەلۋى. ياعني، جول جيەگىن قار باسىپ قالاتىندىقتان، قوزعالىس اۋماعى تارىلادى. وسىنىڭ ءبارى دە جىلدامدىق رەجيمىنە اسەر ەتەدى.
«كولىك جۇرگىزۋشىسى جول اپاتىنا تاپ بولماس ءۇشىن اتالعان ەرەجەلەردىڭ ءبارىن ساقتاۋى كەرەك. قاراشا ايى باستالعالى ەلدە 406 جول- كولىك وقيعاسى تىركەلدى، 95 ادام كوز جۇمىپ، 472 ادام ءارتۇرلى دەنە جاراقاتىن الدى»، - دەدى ول.
سەرىك ءتۇسىپوۆ الىس جولعا شىعاتىن جۇرگىزۋشىلەرگە قانداي قۇرالداردى الىپ ءجۇرۋى كەرەكتىگىن ەسكەرتتى.
اتاپ ايتقاندا، مۇنداي جۇرگىزۋشىلەر تىركەيتىن تروس، كۇرەك، سىرعۋعا قارسى شىنجىر (جۇك كولىكتەرى مەن اۆتوبۋستار ءۇشىن)، جىلى كيىم مەن اياق كيىم، جەتكىلىكتى دەڭگەيدە جانار- جاعارماي بولعانى ابزال.
