قازاقستاندا ترانسۇلتتىق قىلمىستىق توپ ۇستالدى
ترانسۇلتتىق ەسىرتكى قۇرىلىمىنىڭ 34 قاتىسۋشىسى ۇستالدى، 8 ەسىرتكى زەرتحاناسى جويىلدى. ەلدىڭ ءىرى قالالارى - نۇر-سۇلتان، الماتى جانە شىمكەنتكە كونتراباندالىق جولمەن كىرگىزىلگەن 40 كەلى پسيحوتروپتىق زات الىندى. قارا نارىقتا الىنعان ەسىرتكىنىڭ بولشەك ساۋداداعى باعاسى 600 ميلليون استام تەڭگەنى (80 مىڭ دوزا) قۇراعان.
بۇدان باسقا، ەسىرتكى ساۋداسىنان تۇسىرگەن اقشالاي زاتتى «بيتكويندەردى» ساتىپ الۋ جانە ولاردى شەتەلگە شىعارۋ بويىنشا قارجى وپەراتسيالارىن جۇزەگە اسىرۋ جولىمەن رەسميلەۋدى ۇيىمداستىرعان زاڭسىز كريپتوالماستىرعىشتاردىڭ قىزمەتى توقتاتىلدى. بۇل رەتتە، كومەكشىلەر العان اقشانى زاڭداستىرۋ ءۇشىن دايىنداعان التى جىلجىمالى «ماينينگ فەرما» انىقتالدى.
ەسىرتكى قۇرىلىمىنىڭ كومەكشىلەرى ەكى جىلدىڭ ىشىندە (2018 -جىلدىڭ قاڭتار ايىنان باستاپ 2019 -جىلدىڭ جەلتوقسانىنا دەيىن) 2,5 استام تەڭگەنى رەسميلەندىرگەن.
اتالعان فاكتىلەر قازاقستان رەسپۋبليكاسى قىلمىستىق كودەكسىنىڭ سوت الدىنداعى تەرگەۋدىڭ ءبىرىڭعاي تىزىلىمىنە 297-بابىنىڭ 4-ءبولىمى، 264-بابىنىڭ 2-ءبولىمى، 286-بابىنىڭ 4-ءبولىمى جانە 218-بابىنىڭ 3-بولىمىمەن تىركەلگەن.
