مينيستر باعدات مۋسين ۇلتتىق كەڭەس مۇشەلەرىمەن كەزدەستى
كەزدەسۋ بارىسىندا باعدات مۋسين مينيسترلىك جۇمىسىنىڭ نەگىزگى باعىتتارى جونىندە جانە الداعى ۋاقىتتا ىسكە اسىراتىن جوبالارى بويىنشا اقپاراتپەن ءبولىستى.
اتاپ ايتقاندا، مينيستر مەملەكەتتىك ەلەكتروندىق پورتالداردى جەتىلدىرۋ، ونلاين فورماتتا مەملەكەتتىك قىزمەتتەردى پايدالانۋ ۇدەرىستەرىن وڭايلاتۋ بويىنشا جۇرگىزىلىپ جاتقان جانە جوسپارلانعان جۇمىستار جونىندە ايتىپ ءوتتى.
وعان قوسا، حالىق تىعىز ورنالاسقان جانە شالعايدا جاتقان ەلدى مەكەندەردى كەڭجولاقتى ينتەرنەتپەن قامتاماسىز ەتۋ، بايلانىس ساپاسى بويىنشا وپەراتورلارعا قاتىستى تالاپتاردى جەتىلدىرۋ، وتاندىق IT- قىزمەتىنىڭ ەكسپورتىن ۇلعايتۋ، سونىمەن بىرگە، بىرىكتىرىلگەن اقپاراتتىق بازالاردى قولدانۋدى دامىتۋ جانە دەربەس دەرەكتەردى قورعاۋ بويىنشا سۇراقتارعا توقتالدى.
ءوز كەزەگىندە ۇلتتىق كەڭەس مۇشەلەرى مينيسترگە اۋىلدىق ەلدى مەكەندەردى ينتەرنەتپەن قامتۋ، مۇمكىندىگى شەكتەۋلى ازاماتتاردىڭ egov پورتالىن جانە باسقا مەملەكەتتىك ورگانداردىڭ سايتتارىن پايدالانۋ مۇمكىندىكتەرىن جاقسارتۋ، ءارتۇرلى باعىتتاعى اقپارات بازالارىن بىرىكتىرۋ بويىنشا سۇراقتار قويدى. سونداي-اق، ۇلتتىق كەڭەس مۇشەلەرى اەروعارىش ونەركاسىبىن دامىتۋ، IT- مامانداردى دايارلاۋدى جەتىلدىرۋ بويىنشا ءوز ۇسىنىستارىن بەردى.
