اقتوبەدە مەكتەپتەر ءداستۇرلى وقۋ تارتىبىنە كوشە باستايدى - قاۋلى

اقتوبە وبلىسىنىڭ باس سانيتاريالىق دارىگەرىنىڭ قاۋلىسىنا سايكەس ءالى دە كونفەرەنسيالار، كورمەلەر، فورۋمدار، ويىن- ساۋىق، سپورتتىق، سونداي-اق ادامدار كوپ جينالاتىن وتباسىلىق، سالتاناتتى، ەستەلىك جانە باسقا دا ءىس-شارالاردى، ونىڭ ىشىندە ۇيدە، ميتينگتەر، شەرۋلەر، جيىندار وتكىزۋگە تىيىم سالىنعان.

ويىن- ساۋىق مەكەمەلەرىنىڭ (كاراوكە، بيليارد، كومپيۋتەرلىك كلۋبتار، تۇنگى كلۋبتار، بوۋلينگ ورتالىقتارى، كاليان (ونىڭ ىشىندە قوعامدىق تاماقتاندىرۋ وبەكتىلەرى جانىنداعى)، بالالار ويىن الاڭدارى جانە اتتراكسيوندار، جابىق ءۇي- جايلارداعى، باتۋتتار جانە باسقالار)، بۋكمەكەرلىك كەڭسەلەردىڭ جانە لوتو- كلۋبتاردىڭ قىزمەتتەرىنە، ونىڭ ىشىندە لوتەرەيا ۇتىستارى، بالالاردى ساۋىقتىرۋ لاگەرلەرى قىزمەتىنە، كەزەكشى توپتاردى قوسپاعاندا، مەكتەپكە دەيىنگى بالالار مەكەمەلەرىنىڭ قىزمەتىنە، فۋدكورت، بانكەت زالدارىنىڭ قىزمەتىنە، اكۆاپاركتەردىڭ جۇمىسىنا شەكتەۋ جالعاسادى.

«جەكسەنبى جانە مەرەكە كۇندەرى ساۋدا- ويىن- ساۋىق ورتالىقتارى، ازىق- تۇلىك ەمەس جانە ازىق- تۇلىك ساتاتىن جابىق بازارلار جۇمىسىن توقتاتادى. ەكىنشى توقسانىنان باستاپ كونتينگەنتى 300 وقۋشى بولاتىن مەكتەپتەر ءداستۇرلى وقۋ تارتىبىنە كوشەدى. سىنىپتاعى وقۋشى سانى 15 تەن اسپاۋى ءتيىس. جالپى ءبىلىم بەرەتىن مەكتەپتەردە 1-5-سىنىپتار بويىنشا، حالىقارالىق مەكتەپتەردە 7-سىنىپقا دەيىن كەزەكشى سىنىپتار اشىلادى»، - دەپ جازىلعان اقتوبە وبلىسىنىڭ باس مەملەكەتتىك سانيتاريالىق دارىگەرى نۇرسۇلۋ بەركىمبايەۆانىڭ جاڭا قاۋلىسىندا.

قاۋلىنىڭ تولىق ءماتىنىن مىنا جەردەن وقيعا بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى