الەمگە تانىمال فۋتبولشى كوروناۆيرۋس جۇقتىردى

سپورتشىنىڭ ينفەكسياعا شالدىققانىن جۇما كۇنى مىسىر فۋتبول قاۋىمداستىعى مالىمدەدى. ۇيىمنىڭ حابارلاۋىنشا، سالاحتا اۋرۋدىڭ ەشقانداي بەلگىلەرى بايقالمايدى، كوروناۆيرۋس جۇقتىرعانى ونىڭ تەست ناتيجەسىندە انىقتالدى. مىسىر قۇراماسى افريكا ۇلتتارىنىڭ كۋبوگىنا دايىندالىپ جاتىر. سەنبى كۇنى كوماندا توگومەن ىرىكتەۋ ماتچىن وتكىزەدى.

«قۇرامانىڭ باسقا ويىنشىلارىندا كوروناۆيرۋس انىقتالعان جوق»، - دەپ تولىقتىردى قاۋىمداستىق.

«سالاح پرەمەر- ليگانىڭ بيىلعى ماۋسىمىندا 13 ماتچ وتكىزىپ، 10 گول سوقتى. بىرنەشە كۇن بۇرىن ول باۋىرىنىڭ تويىنا بارعان. ۆيدەودا شابۋىلشىنىڭ قوناقتارمەن قۇشاقتاسىپ، بيلەپ جاتقانىن بايقاۋعا بولادى. قوناقتاردىڭ ەشقايسىسىندا ماسكا بولعان جوق. «ليۆەرپۋل» كەلەسى ويىنىن «لەستەرگە» قارسى وتكىزەدى. ماتچ 21-قاراشاعا جوسپارلانعان. مو سالاح «ليۆەرپۋلدىڭ» ماڭىزدى ويىنشىسى، ءبىراق ونىڭ ويىنعا قاتىسپاۋى كوماندانى كارانتينگە جاتقىزىپ قويعاننان جاقسى»، - دەپ جازدى ۆ ۆ س اگەنتتىگى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى