پارامەن ۇستالعان زەرەندى اۋدانىنىڭ بۇرىنعى اكىمى سوتتالدى
«سوت ب. ءابۋتالىپوۆتى ق ر ق ك 366- بابىنىڭ 3- بولىگى 2- بولىمشەسى، 361- بابىنىڭ 4- بولىگى 3- بولىمشەسى بويىنشا كىنالى دەپ تانىپ، مۇلكىن، زاڭسىز جولمەن الىنعان 741080 اقشاسىن تاركىلەۋ ارقىلى 5 جىلعا باس بوستاندىعىن شەكتەۋ جازاسىنا كەستى. سونىمەن قاتار، ول ءومىر بويىنا مەملەكەتتىك قىزمەتتە لاۋازىمدا بولۋ قۇقىنان ايىرىلدى»، - دەدى ۆەدومستۆودان.
بۇدان بولەك، ەكس - اكىم جازاسىن وتەۋ كەزىندە جىل سايىن 100 ساعاتتان اسپايتىن ۋاقىتقا ءماجبۇرلى تۇردە جۇمىس ىستەۋگە مىندەتتەلدى.
ال، ن. باقانوۆتى ق ر ق ك 366- بابىنىڭ 3- بولىگى 2- بولىمشەسى، 361- بابىنىڭ 4- بولىگى 3- بولىمشەسى جانە 189- بابىنىڭ 3- بولىگى 1,2- بولىمشەلەرى بويىنشا كىنالى دەپ تانىپ، مۇلكىن، زاڭسىز جولمەن الىنعان 741080 اقشاسىن تاركىلەۋ ارقىلى 3 جىل 6 ايعا باس بوستاندىعىنان ايىرۋ (قاۋىپسىزدىگى ورتاشا تۇزەتۋ مەكەمەسىندە جازاسىن وتەيدى) تۋرالى ۇكىم شىعاردى.
سونىمەن قاتار، ول دا ءومىر بويىنا مەملەكەتتىك قىزمەتتە لاۋازىمدا بولۋ قۇقىنان ايىرىلدى. اركادي ستوليارەنكو ق ر ق ك 189- بابىنىڭ 3- بولىگى 1- بولىمشەسى بويىنشا كىنالى دەپ تانىلىپ، 4 جىلعا باس بوستاندىعىن شەكتەۋ جازاسىنا كەسىلدى.
ول ق ر ق ك 367-بابىنىڭ 2- بولىگىندە قاراستىرىلعان - ونىڭ ارەكەتىندە قىلمىستىڭ قۇرامى بولماعانى اقتالدى.
«ابۋتالىپوۆ پەن ستوليارەنكوعا جازاسىن وتەۋ مەرزىمىندە مىناداي پروباتسيالىق باقىلاۋ ورناتىلدى: تۇراقتى مەكەنجايى مەن جۇمىس ورنىن اۋىستىرماۋعا، قۇزىرەتتى مەملەكەتتىك ورگاننىڭ ەسكەرتۋىنسىز ەشقايدا كەتپەۋگە، ساعات 21:00 دەن 07:00 دەيىن قوعامدىق ورىندارعا بارماۋى ءتيىس»، - دەپ تولىقتىردى ۆەدومستۆودان.
ۆەدومستۆودان اتاپ وتكەندەي، سوتتالعانداردى تۇرعىلىقتى جەرى بويىنشا قۇزىرلى مەملەكەتتىك ورگان باقىلايتىن بولادى. ەگەر سوتتالعان تۇلعالار جازادان باس تارتاتىن بولسا، وندا باس بوستاندىعىن شەكتەۋ شاراسى، باس بوستاندىعىنان ايىرۋ تۇرىندەگى جازاعا اۋىستىرىلادى.
سوتتالۋشىلار ابۋتالىپوۆ، باقانوۆ جانە ستوليارەنكودان اۋىر قىلمىسى ءۇشىن زارداپ شەككەن جاقتىڭ وتەماقى قورىنا 20 ايلىق ەسەپتىك كورسەتكىش كولەمىندە ءماجبۇرلى تولەم ءوندىرىلىپ الىندى. سوت ۇكىمى كۇشىنە ەنگەن جوق.
