ش ق و-دا قاتتى جەل مەكتەپ عيماراتىنىڭ شاتىرىن ۇشىرىپ اكەتتى

ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، جىلدامدىعى سەكۋندىنا 26 مەترگە جەتەتىن قاتتى جەلدىڭ سالدارىنان ەرنازار اۋىلىنداعى سوسنوۆسكايا ورتا مەكتەبىنە جانامالاي سالىنعان سپورتزالدىڭ شاتىرى بۇزىلدى.

مەكەمەنىڭ جالپى اۋدانى - 291,3 شارشى مەتر. زارداپ شەككەن ەشكىم جوق. ايتا كەتەيىك، ت ج د وڭىردەگى داۋىلدى ەسكەرتۋ تۋرالى الدىن الا حابارلاعان بولاتىن.

«ءالى دە تۇرعىنداردى ساق بولۋعا جانە ۇلكەن اعاشتاردىڭ استىندا تۇرماۋعا جانە اۆتوكولىك قويماۋعا شاقىرامىز. سونداي-اق بيلبوردتاردان جانە باسقا دا اسپالى قۇرىلىمداردان، ەلەكتر جەلىلەرىنەن مۇمكىندىگىنشە الىس بولۋ كەرەك. جازاتايىم وقيعالار بولماس ءۇشىن بارىنشا اباي بولعان ءجون»، - دەپ حابارلادى ۆەدومستۆو وكىلدەرى.

اۆتور: تالعاتجان مۇحامەتبەك ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى