قازاقستاندا جولداردى جوندەۋگە قاراجات قايدان بولىنەدى
«بۇگىنگى تاڭدا جول قۇرىلىسىن قارجىلاندىرۋدىڭ 4 مەحانيزمى بار. بىرىنشىدەن، نەگىزگى جوبالاردى ءبىز رەسپۋبليكالىق بيۋدجەتتىڭ ەسەبىنەن جۇزەگە اسىرامىز. ەكىنشىدەن، كەلىسىمدى راتيفيكاتسيالاۋ جولىمەن مەملەكەت قارىز الىپ، سول ارقىلى قاراجات ءبولىنىپ، كەلىسىمگە شارتىنا سايكەس ءبىز جول قۇرىلىسى جۇمىسىن جۇرگىزەمىز. ۇشىنشىدەن «قازاۆتوجول» كومپانياسىنىڭ ءوزى مەملەكەتتىڭ كەپىلدەندىرۋىمەن قارىز الىپ، جول قۇرىلىسىن جۇرگىزەدى. تورتىنشىدەن كوميتەت جەكە ينۆەستورلاردى تارتادى»، - دەدى جامبىل باقتيار «قازاۆتوجول» كومپانياسىنىڭ Instagram پاراقشاسىندا سۇراقتارعا جاۋاپ بەرە وتىرىپ.
ونىڭ ايتۋىنشا جول قۇرىلىسى، ونىڭ قالىپتى ۇستاپ تۇرۋ قاراجاتتى قاجەت ەتەدى.
«ينۆەستورلاردى تارتۋ جاعىنان قازىر قوزعالىس قارقىنى ازايعاندىقتان بۇل باعىتتاعى جۇمىس باسەڭدەپ تۇر. سول سەبەپتى جول قۇرىلىسى بويىنشا نەگىزگى جوبالار رەسپۋبليكالىق بيۋدجەتتىڭ ەسەبىنەن جۇزەگە اسىرىلۋدا»، - دەدى ول.
