قازاقستانعا كوروناۆيرۋس جۇقتىرعاندار قانداي مەملەكەتتەردەن كەلدى

«ق ر باس مەملەكەتتىك سانيتاريالىق دارىگەرىنىڭ قاۋلىسىنا سايكەس، 2020 -جىلدىڭ 6-قازانىنان باستاپ ەلىمىزدىڭ مەملەكەتتىك شەكاراسىنىڭ اۆتوموبيل وتكىزۋ پۋنكتتەرى ارقىلى 196 مىڭ ادام وتكەن. 364 ادامدا وڭ ناتيجەسى بار كوروناۆيرۋس ينفەكتسياسى انىقتالدى. حالىقارالىق اۋە رەيستەرىمەن 60953 جولاۋشى ۇشىپ كەلدى. 8827 ادامنان تەست الدىندى. وڭ ناتيجەمەن 48 ادام انىقتالدى. اتاپ ايتقاندا، تۇركيادان – 16، مىسىردان – 18، ب ا ءا- دەن – 5، بەلارۋستان - 7 جانە رەسەيدەن - 2 ادام»، - دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.

سونىمەن قاتار ول ق ر اۋماعىندا تۇرۋعا رۇقساتى بار شەتەلدىكتەر، ولاردىڭ وتباسى مۇشەلەرى، ق ر ازاماتتارىنىڭ وتباسى مۇشەلەرى بولىپ تابىلاتىن شەتەلدىكتەر ءۇشىن ەلىمىزدىڭ شەكاراسىن كەسىپ ءوتۋ تارتىبىنە وزگەرىستەر ەنگىزىلدى. ەندى بۇل ازاماتتار مەملەكەتتىك شەكارانى 90 تاۋلىكتە ءبىر رەت قانا كەسىپ وتە الادى.

«سونداي- اق 2021 -جىلدىڭ 1-مامىرىنا دەيىن 57 ەلدىڭ ازاماتى ءۇشىن ۆيزاسىز رەجيمدى توقتاتۋعا ءماجبۇر بولدىق. 2021 -جىلدىڭ 1-قاڭتارىنا دەيىن قىتاي مەن ءۇندىستاننان كەلەتىن ترانزيتتىك جولاۋشىلاردىڭ ق ر اۋماعىندا 72 ساعات ۆيزاسىز ءجۇرۋ جەڭىلدىگى توقتالدى. ۋكراينا، ب ا ءا، گەرمانيا، بەلارۋس، تۇركيامەن اۋە رەيستەرىنىڭ سانى قىسقاردى. قازاقستان اۋماعىنا اۋە رەيستەرىمەن كەلگەن بارلىق ادامدا، ونىڭ ىشىندە قازاقستان ازاماتتارىندا، سونداي- اق ەكىجاقتى حالىقارالىق جۇك تاسىمالىن جۇزەگە اسىراتىن جۇرگىزۋشىلەردە پ ت ر تەستىلەۋ تۋرالى انىقتاماسى بولۋى ءتيىس دەگەن شەشىم شىعارىلدى»، دەدى ول.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى