قازاق حالقىنىڭ قوناقجايلىعىن قورقاقتىق دەپ قابىلداۋعا بولمايدى – تاريحشى
«قازاقستان تاۋەلسىزدىك العان ۋاقىتتان باستاپ ەلىمىزدى مەكەن ەتكەن ءتۇرلى ۇلت وكىلدەرىنىڭ ەمىن- ەركىن ءومىر سۇرۋىنە جاعداي جاساپ كەلەدى. ولاردىڭ دىنىنە، تىلىنە، مادەنيەتىنە ەشقانداي قىسىم كورسەتىلمەدى. سونداي- اق وزگە ۇلت وكىلدەرى كەدەرگىسىز ءبىلىم الا الاتىنداي ەتىپ، مەكتەپتەر اشىپ بەردىك. تاۋەلسىزدىككە قول جەتكىزگەنگە دەيىن كەيبىر ۇلت وكىلدەرىنىڭ قازاقستان تەررريتورياسىندا عىلىمي- زەرتتەۋ ورتالىقتارى دا بولدى. ويتكەنى، ەل بىرلىگى - ءبىز ءۇشىن اسىل قاسيەت. دەگەنمەن قازاق حالقىنىڭ كورسەتكەن قۇرمەتىمەن قوناقجايلىعىن ىنجىقتىق نەمەسە قورقاقتىق دەپ قابىلداۋعا بولمايدى»، - دەدى زادا ورازعالي قىزى.
سونىمەن قاتار تاريحشى ەلباسى ن. نازاربايەۆ ق ح ا كەڭەسىندە كوتەرگەن قازاق ءتىلىن ەتونوسارالىق ءتىل مارتەبەسىنە كوتەرۋ باستاماسىنا قاتىستى پىكىر ءبىلدىردى.
«قازاقستان العاش مەملەكەت بولىپ ىرگە كوتەرىپ جاتقان ۋاقىتتا جەرىمىزدىڭ كەڭدىگى مەن حالىق سانىنىڭ ازدىعىنا بايلانىستى قازاقستان حالقى اسسامبلەياسى قۇرىلدى. بۇعان قوسا ءۇش تىلدىلىك ساياساتىن ۇستاندىق. ال ەندى باسقا ۇلتتاردىڭ قازاق حالقىنا سىيلاستىق تانىتىپ، ءتىلىمىزدى ناسيحاتتايتىن كەزى كەلگەن سياقتى. ماسەلەن، اقش- تىڭ ازاماتتارى ۇلتىنا قاراماستان ءبارى ءوزىن امەريكالىق سانايدى. سوندىقتان ءبىزدىڭ ەلىمىز دە وزگە ۇلتتارعا بولىنبەي، بارلىعى بىرگە «قازاق حالقى» دەپ اتالىپ، بارشاسى قازاق تىلىندە سويلەۋگە تىرىسۋى كەرەك. بۇل - ناعىز دوستىقتىڭ، بىرلىكتىڭ بەلگىسى بولادى»، - دەپ اتاپ ءوتتى ل. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ پروفەسسورى.
ەسكە سالا كەتەيىك، 11 - قاراشادا ق ر تۇڭعىش پرەزيدەنتى - ەلباسى، ق ح ا ءتوراعاسى نۇرسۇلتان نازاربايەۆ توراعالىعىمەن ەلدەگى ەتنوسارالىق ماسەلەلەر تالقىلانعان قازاقستان حالقى اسسامبلەياسىڭ كەڭەسى وتكەن بولاتىن.
اۆتور: ءاليحان اسقار
